來自蘇格蘭的YouTuber Kate近年來到香港擔任英文教師，不時以外國人視角拍片試食香港小店，吸引近9萬訂閱者。最近Kate卻陷入輿論風波，被網友指責其行為「無禮貌」，包括不講廣東話、隨地亂拋垃圾、在扶手電梯逆行及只買1只鵪鶉蛋等舉動，導致她遭人起底。事件持續升溫並被任教的學校以「學生安全」為由解僱，事主隨後拍片哭訴引發更多討論，部分人譴責攻擊者網絡欺凌，另一些則認為她自食惡果。
外籍老師拍片試食香港小店 被網上起底攻擊「無禮貌」
外籍YouTuber Kate經營YouTube頻道及Instagram專頁，近年來到香港擔任英文教師，不時拍片分享試食香港街頭小店的影片，如到葵涌廣場、街市掃街。影片以外國人視角配以英文旁白及中英文字幕呈現，吸引近9萬訂閱者，起初被視為正面推廣香港文化，但最近因Threads一篇帖文卻陷入輿論風波。
網民批評不講廣東話+無視規矩
有網民於Threads批評事主拍攝近200條影片卻「一句廣東話都唔講」，連基本禮貌用語如「幾錢」或「唔該」都欠奉。帖文迅速引起討論，網友跟進列舉其他不滿，包括堅持用英文與不懂英語的年長店主溝通，感覺像「無見識無教養嘅白人」。再者，事主於影片中涉嫌亂拋垃圾、在扶手電梯逆行等不當行為，以及經常只買單顆食物（如一粒栗子或鵪鶉蛋），導致店員尷尬。
有網友為此直斥其行為問題，「琴日睇到佢條片真係嬲，不停用英文問個炒栗子嘅檔主，問完之後只要一粒栗子同一粒鵪鶉蛋，跟住仲要串到俾$500紙話收佢$20就得，人哋邊有咁多錢找」，認為事主經常表達只買1件或1粒食物，「之前都覺得佢怪怪哋樣樣都要啲啲，好似博人哋唔收佢錢咁。」
不過亦有網民不認同樓主看法：「佢既無獻媚，亦無鄙視，就係以一個外國人嘅角度，去試食一啲佢未食過嘅嘢。佢講廣東話我當然歡迎，但由幾時開始，唔講廣東話變成原罪？ 」、「佢只係share吓自己香港嘅美食體驗啫，又唔係要移民留低，唔識講廣東話都要俾你judge？（批評）」有人補充，事主患有亞氏保加症，導致難以察覺「不成文規範」，這解釋了部分「尷尬」行為，而非故意無禮：「咁所以有可能大家認為嘅 Kam（怪異），除咗本身 Kate 唔了解香港嘅文化同箇中嘅不成文社會規範之外，更大嘅可能係佢其實係生理上理解唔到呢啲隱藏嘅規範。」
事件升溫遭解僱拍片哭訴 網民反應兩極：咎由自取VS網絡欺凌
隨著網上爭議持續，事主日前拍片哭訴遭任教單位以學生安全為理由辭退，網上再度引起一波討論，反應依舊兩極。有人批評攻擊者如同網絡欺凌：「但搞到人地份工都無埋，無哂收入、無得做自己嘅興趣、毁人哋嘅生活，請問對你哋有咩幫助？可唔可以收下把口？」、「香港人幾時變到咁玻璃心？人哋唔講廣東話姐，就話人哋唔尊重你？」「即使有唔少野做錯，留言缺乏禮貌，但未至於將佢起底，連份工都冇得開」、「學校以安全理由而無理炒佢，有無公道？」
有網民表達支持的留言，認為事主以不一樣角度介紹香港，「全部都好真實，以外國人嚟講，見到佢咩都想試，某程度都係推廣香港」；不過亦有人批評：「雖然佢好慘，但係其實一切都係佢咎由自取」、「其實佢一直清楚自己行為踩界」、「其實佢真係有佢嘅責任要負，佢可能想有gimmick（噱頭）就一路拍一路倒轉行扶手電梯。」
來源：Instagram、Threads
延伸閱讀：港男偕妻欲進連鎖女裝店被拒 怒轟店方「高貴」玩另類「性別歧視」網民反應兩極：思想封閉 VS 有備無患
