鍾健威（Ray）今日（16日）為護膚品牌活動擔任司儀，早前被太太黃美棋爆他飽受病痛煎熬。鍾健威笑言要澄清已好轉不少，他表示睇到好多報導指他患有不治之症，他則承認受偏頭痛困擾，試過駕車時有一刻看不見，於是即時駛到一邊休息，後來睇醫生被指出他有偏頭痛問題，需要多休息。他說：「同之前半年比較忙有關，壓力又大，太太都好緊張，仲有好多人慰問。我都叫太太唔使擔心，但太太緊張都正常，不過叫她簡單回應就得。」
盼與太太孖住夫妻檔工作
問到多人慰問，令他更頭痛？他笑言都有少少，又叮囑大家不要太過忙碌要注意身體。談到可有減壓方法，他表示最近愛上打高爾夫球，並跟黎瑞恩一起打，見到自然環境好舒服。另外，提到太太黃美棋早前約滿TVB，問到是否準備生B？鍾健威表示太太想轉換環境，畢竟已經7年時間，又笑言也有幫忙太太接洽工作。他笑說：「唔好下下都係GM（曾展望）同Sophie（葉蒨文），雖然佢哋係新晉，我同太太都可以夫妻檔工作。」
