陳庭欣（Toby）今日（18日）以司儀身份（今日）出席由男友楊振源（Benny）創立的護膚產品活動，同場有黃宗澤（Bosco）擔任嘉賓。
黃宗澤致電恭喜陳偉霆
黃宗澤自爆最近變成5億駙馬，皆因收到工作邀請，初時指出席周年晚宴任嘉賓，後來話大小姐好仰慕他想邀請一起食飯，最後再附加老爺願意付出5億元，希望他做女婿。他笑說：「請叫我做5億女婿！我仲話畀媽咪知，佢仲話5億唔係美金咩！呢啲應該係惡作劇，睇完得啖笑。」Bocso更透露媽媽早前因老人病入院，但出院後繼續四圍玩，又指今日睇到陳偉霆榮升做爸爸的新聞，亦有致電恭喜對方，但之前全不知情。問到會否學陳偉霆跳去直接宣布做爸爸？Bosco笑說：「我跳樓、跳海OK！無乜組織家庭畫面嘅觀念，我一出世就單親家庭，無特別要求要天倫之樂畫面。」
最近忙於拍攝《風華背後》的Bosco，相隔廿年再度跟汪明荃（阿姐）合作。他笑言每次開工都帶定不同湯水給阿姐飲，現在有個花名叫「飲咩湯」，又謂阿姐一直好照顧他，只是順便煲湯孝敬她。
