TVB歌唱比賽《聲秀》在上周日（2日）舉行決賽，經過8強選手的激烈角逐，實力唱將馮熙燮成功奪得冠軍寶座，柯雨霏憑藉出色表現榮獲亞軍，而胡子貝則將季軍及「觀眾熱選聲秀大獎」兩項殊榮收入囊中。不過當晚主持陳懿德的表現卻意外成為了全場焦點，事後被網民力數7宗罪。
陳懿德潛水多終認錯
潛水多日的陳懿德昨日（7日）終於「上水」並撰長文劈頭第一句就認錯：「錯就要認，打就要企定，首先想講對唔住，容許我沉澱咗幾日，今次嘅表現的確唔好，所以到呢刻，我都無辦法放過自己。」
相關閱讀：陳懿德主持《聲秀》決賽表現「甩轆」 自炒緋聞提及羅天宇好尷尬？ 靠性感扳回一城
陳懿德終於「上水」道歉
陳懿德在《聲秀》決賽的表現「甩轆」，不單在在主持期間，多次無故提及緋聞男友羅天宇，宣佈季軍時，更讀錯人名，一度誤將穎喬宣布成季軍，令真正的季軍胡子貝和穎喬面露疑惑，她的連番失誤引發網民批評，不少網民指她聲音太嘈、未能帶動氣氛，甚至建議她回歸主持《東張西望》可能更適合。昨晚陳懿德終於「上水」道歉，還多謝大家評論：「好多人叫我唔好睇負評，但我認為comment得嘅其實都係觀眾，而我係有責任照顧每一位觀眾嘅感受，多謝你哋願意花時間畀最直接嘅建議我，亦讓我知道，我仲有好多地方需要改善，如果讓你失望了、唔舒服了，對唔住。」她續說：「熟悉我嘅人都知道我係一個對自己好harsh嘅人，即使係一個其他人未必睇得出嘅小過失，我都已在心中唾罵咗自己過萬次，更何況係今次嘅表現，所以..相信我，我對自己嘅憤怒、失望、怪責唔會比大家少。」
陳懿德曾想做劊子手替自己行刑
陳懿德完騷後曾想擔起劊子手的角色替自己行刑，她亦為宣布季軍的失誤道歉：「作為主持 造成咁嘅場面，我責無旁貸，難辭其咎，一定抵鬧。當下我真係唔應該淨係依賴個highlight，係應該再望多次咁多條bar嘅高度，係應該寧願再望多幾秒， 肯定再宣布，係應該再三fact check，我係應該作最後把關嘅位置，但我當下做唔到，呢個都係我最嬲自己嘅位，再次講聲對唔住。」陳懿德稱這幾天收到不少訊息：「原諒我有種愧對你哋，唔知點面對你哋嘅感覺，所以我都覆得好慢。但多謝你哋令我知道我唔係自己一個，更加多謝你哋提醒我唔好失去對自己嘅信心，唔好放棄，係你哋嘅愛令我覺得我要振作啲先得，我應承你哋主持係我好熱愛嘅事，我唔會放棄。人生一係成功、一係成長，雖然今次唔成功，但我會重新審視自己，從失敗中成長，雖然跌得好痛，但我會努力飛得更高，我唔會要求大家一定要喜歡我，但我會努力一步一步令你哋改觀。以前我會用200分嘅努力去準備、日後我會用400分嘅努力去彌補。」
相關閱讀：陳懿德為羅天宇疾呼：佢善良唔花心 榮幸成為緋聞男友「收割」對象 丨獨家
