騙徒手法層出不窮，稍一不慎就很易誤墮騙局。一名女網民近日在尖沙咀連鎖超市 DONKI 購物時，遇到一名陌生女子聲稱無法以現金付款，事主好心以電子支付代付$200，對方假稱會以「轉數快」轉帳，惟最終未有兌現，令事主慨嘆「我真係死蠢」，希望能公開遭遇以提醒其他人小心。
DONKI超市遇騙案 聲稱無現金求代支付
有網民在社交平台Threads上以「喺尖沙咀 DONKI 俾人呃咗200蚊」為題發帖，分享了自己被騙的經歷。事發當日，事主正在DONKI內「揀緊洗頭水」，一名陌生女子突然「衝過嚟話請我幫忙」，表現得「好似好急咁」。該女子聲稱「DONKI只收現金唔收轉數快」，而自己沒有現金，希望事主能代為付款。事主起初表示自己亦無現金，但對方隨即表示「你有咩佢接受嘅都得」。
基於同理心，事主最終使用電子支付為對方支付了200元。根據事主的描述，該女子其後「扮問我電話同價錢轉俾我，跟住就要走」。事主當下並未收到款項，於是「拉住佢問你確定你有轉錢俾我係咪？」，對方僅以「係吖係吖」作回應後便離去。事後，事主才驚覺受騙，直言「結果到宜家都未收到」，並無奈地表示「200蚊當佢幫我抵災」。她亦解釋了當時伸出援手的原因：「原本幫人係因為覺得出門在外都唔容易，如果下次我遇到呢個問題有人幫我我一定好感動」。
事主嘆「自己蠢」 呼籲網民小心
事主無奈表示，她事後回想，覺得對方堅持 DONKI 不收轉數快及EPS時，已經明顯是呃人，但當刻反應不及，「我自己係蠢… $200當買教訓」。事主希望自己的分享能提醒大家，「喺任何地方遇見呢種人唔好幫」。
事件曝光後引來大量網民留言。不少網民表示曾遇過類似的騙案，指出這是騙徒的「一貫的手法」，並提醒事主「下次真係要醒目少少」。有網民認為事主「心地好好」，安慰其「唔好唔開心」。亦有網民分享經驗，建議在類似情況下，應堅持先確認收到轉帳款項才付款，或者直接建議對方到櫃員機提款，以保障自己。
資料來源：Threads
同場加映：香港再現新型騙案！學生WhatsApp遭駭客入侵 發訊息向家長索逾萬元「津貼」 眼利港人憑3點識破
