連詩雅（Shiga）今日（4日）出席護膚產品活動，她透露跟老公陳家樂早前到日本旅行，是兩人拍拖以來第二次一齊出埠旅遊，笑言女兒無份同行，因為未為女兒辦理護照，但每日也有跟女兒視像，不過今次之行老公見證她瘋狂購物。她說：「佢話原來你有呢一面，開啟咗Shopping掣，但我平時唔係咁，依家返嚟要努力搵錢。（老公畀錢埋單？）我哋經濟獨立，自己買嘢自己畀錢，我買到都唔好意思要老公畀錢。」
想去歐遊度蜜月
Shiga又指去年老公應承她一齊跑馬拉松，但對方病倒未能參與，今年則會參加，笑指老公跑得快，所以不奢求一起衝線，但希望在終點合照作紀念。談到可需要練跑，Shiga笑指老公去踢足球，自己則在球場旁邊跑步。她笑說：「佢有佢踢，我有我跑，之後一齊返屋企，唔覺得老婆陪老公踢球好浪漫咩！」Shiga更透露產女後流失骨膠原，加上餵人奶，難免令皮膚變差，一直努力護膚，避免有朝一日被老公說皮膚不夠好，又指尚未跟老公去度蜜月，希望跟老公去一次歐遊，陪伴對方睇波。
