48歲的謝安琪（Kay）早前被《東周刊》獨家揭露，曾於2024年初患上重病，緊急入醫院接受手術。有指張繼聰為免太太病情曝光，謝安琪患病一事，只有少數好友知情。謝安琪休息過後，已再度投入工作，日前出席兒童院活動時，講起已中學畢業的18歲大仔張瞻，將到澳洲升學，為加強兒子能自理日常生活，有意安排張瞻做其助手，提前訓練。
謝安琪溫馨靠兒子肩膊
謝安琪坐言起行，昨日（8日）晒出兩母子合照，見到她頭靠在兒子張瞻肩膊，一臉幸福。謝安琪留言：「同大家隆重介紹，我最近新聘請嘅小助手：張瞻。」謝安琪指兒子已經做助手一段時間：「其實佢已經開咗工一段日子，唔知大家有冇喺我嘅工作場所見過佢呢？」
相關閱讀：謝安琪患重病急做手術 《東周刊》獨家爆去年低調入院死過翻生 密友：一直擔心復發
對於兒子張瞻的表現，謝安琪有慈母濾鏡：「暫時嚟講，佢工作都表現都唔錯，可能係佢嘅頂頭上司Fafa對佢教導有方，又或者係另一位資深同事Vivi，有幫手提點佢，最犀利係公司藝人部領導人阿姐Syllina，都成日讚佢乖。」
謝安琪盼兒子汲取經驗
謝安琪希望張瞻透過今次的工作經驗，建立與他人相處的基礎：「希望呢份工作，可以讓佢學習到積極嘅工作態度，待人接物嘅禮儀、團隊合作精神，明白盡力做好自己崗位嘅重要性，亦希望呢一啲人生經驗，會成為將來佢獨自出國留學，同其他人相處嘅好基礎。」
謝安琪開心黐住個仔
每次開工都見到兒子，謝安琪感到特別溫馨：「對於我嚟講呢，就比較簡單，可以日日黐住個仔，就係我哋兩母子之間，特別又溫馨嘅親子回憶。加油啊，瞻瞻，媽咪都覺得你越做越好（雖然有時我都係會忍唔住發火）。」謝安琪更叮囑粉絲：「如果大家喺我出席嘅活動當中，見到擔任小助手嘅瞻瞻，希望你哋都可以送一個微笑俾佢，或者講一兩句說話鼓勵吓佢吖」。
相關閱讀：星級大搜查｜明星入秋大煩惱！謝安琪狂爆倒刺至流血 鍾嘉欣「飲油補乾」 魏浚笙改一習慣防濕疹
