【試當真】由游學修、蘇致豪及許賢創立的YouTube頻道「試當真」，有達57萬追蹤，是香港知名度最高的YouTube頻道之一。今年4月1日，「試當真」三名負責人在愚人節當日，無預警下宣布「試當真」頻道將於今年10月底停止運作。到了昨日（26日）最後一夜，頻道真正告別以「官方正式結局」為主題，找來台前幕後面對鏡頭講述感受。除了幾名巨頭游學修、蘇致豪、許賢和林家熙（Locker）外，其他工作人員亦有酒精驅使下直抒胸臆，而其中編劇盧嘉誼（Ellen）更直指老闆游學修不願和下屬溝通，又公開斥責同事，令直播的氣氛意外地變得緊張而引起熱議。
試當真｜Ellen公開數落游學修
盧嘉誼於鏡頭前大膽地和游學修公開對質，Ellen最不滿的是游學修經常公開評論同事，她認為老闆這樣做是不尊重同事。Ellen亦大爆其實自己曾多次希望和游學修溝通，但都未能得到回應，而早前游學份修在「白金像獎」中批評同事，就令Ellen和不少同事甚為不快：「你同我哋講點解我哋要咁對你，反而我先有呢個感覺，我自己覺得回顧番過去四年幾，我做過啲乜嘢係所謂反抗你呢？反抗公司？我真係諗唔到。即係可能我蠢，或者我善忘，我性格唔好或者點樣，我唔記得咗自己做咗啲壞事。」
相關閱讀：墨魚遊戲2｜游學修公開炮轟鄧兆尊「早死論」：唔明白點解要講 拒絕接受參賽者早走影響遊戲性
試當真｜Ellen哽咽情緒激動
Ellen之後情緒越來越激動並開始哽咽：「就算你係想鬧我，我覺得唔緊要，你咪講…」Ellen指不明白為何到了頻道最後一天，才有機會直接討論問題，並表示其實已經忍了許久，不過如果到最後一天也默不作聲，可能會更嬲自己。
試當真｜游學修當場道歉
游學修聽完後，立即向在場人士道歉，直指作為一個老闆「事情處理得不夠好」，在溝通上亦有缺失。雖然頻道已經完結，但他之後也會嘗試和所有人解開心結。Ellen聽完後亦有跟游學修說對不起。
試當真｜游學修Ellen豎中指合照
Ellen和游學修的對質，意外地成為全晚直播的焦點，引起網民廣泛討論，對於Ellen的舉動評價兩極，一方面有網民認為頻道已到最後一天，Ellen其實可以好來好去，但她卻堅持要公開責怪游學修；但亦有網民指Ellen如果對公司不上心，根本不會再動氣講出問題。雖然被下屬公開數落，但游學修之後仍和Ellen合照，於照片中二人豎起中指作風搞鬼，大家都有笑容，相信已沒有將對質之事放在心上，而游亦應不欲網民再責怪Ellen。
試當真｜Locker望網民停止討論游學修和Ellen
Locker之後有為此事發帖，他表示：「如果有睇live嘅觀眾，我相信你都係鍾意試當真嘅！而如果你係愛試當真嘅 ，希望你哋唔好再講Ellen點阿修點，不如試吓放低一時嘅情緒或者批判 ，俾大家休息吓，既然都完咗，唔好再俾壓力任何人，愛大家！」
試當真｜豪哥流淚唱《我的快樂時代》
另外，於最後一夜中蘇致豪（蘇致豪）就表示：「臨執笠前嗰兩個月請咗假，好複雜，太複雜，世界太複雜……一定係好愛先至會咁複雜。唔知點解個愛會變成咗單單打打、憎恨，又會愛返，我處理唔到。阿修問個instant係咪執咗好啲？大家都覺得係，所以就有呢個決定。好多謝咁多位同事。」蘇致豪發言時忍不住流淚，亦令不少同事落淚。之後豪哥更唱出《我的快樂時代》表達心聲。
相關閱讀：墨魚遊戲2下集｜近百藝人中「TVB系」成最強綜藝精英？洪天明突爆「真話」：老婆叫我唔好亂射 陸永轉數快封金句王
