人稱「Benz雄」的前TVB金牌綠葉許紹雄（Benz雄）因病離世，享年76歲。許紹雄在1971年第一期無綫電視藝員訓練班業畢業後加入TVB，在演藝界從影逾半世紀，演出過無數經典劇集，多年來憑出色的演技，先後在《萬千星輝頒獎典禮2012》奪得「傑出演員大獎」、2013年憑《My盛Lady》奪得「最佳男配角」獎，到2014年，許紹雄憑《使徒行者》「覃歡喜」一角人氣急升，更在《萬千星輝頒獎典禮2014》勇奪「最受歡迎電視男角色」獎，「歡喜哥」多年來深受網民歡迎。
許紹雄離世後不少金句被瘋傳
許紹雄近年中、港兩邊走，除了拍戲外，亦不時參與綜藝節目，許紹雄曾公開表示自己沒有考慮過退休，又指自己見過不少前輩，因為退休反而更早離世：他曾揚言「唔想死嘅就唔好咁快退休。」但認同不要將安排工作密密麻麻，以免令自己那麼辛苦。近年許紹雄進駐小紅書，經常拍片分享人生經歷，許紹雄離世後，不少金句被瘋傳，甚至將他生前私下一面曝光。
相關閱讀：許紹雄離世丨Benz雄契女佘詩曼強忍淚水憶昔日點滴 承諾不再哭：我會照顧你的家人
許紹雄近年駐小紅書分享人生哲理
許紹雄近年與女兒許惠菁（Charmaine）以父女檔拍YouTube片，又單拖進駐小紅書分享人生哲理，許紹雄在小紅書帳號最後一段片短片是10月10日，在片中，許紹雄的狀態未有太大分別，他說：「呢個世界乜嘢都係唔公平，唯獨係H時間最公平，如果你成日係咁，書又唔讀、運動又唔去做，使錢又唔節制，冇目標、冇愛好、冇期望，生活係唔會自己變好。睇多啲書、賺多啲錢，少諗啲無謂嘢，努力唔係為咗攞更多，而係為咗有得揀。努力嘅意思，就係當好運嚟到嗰陣，你就覺得自己值得。」許紹雄亦曾表示最大遺憾不是錯過了最在乎的人，「而是錯過了最在乎你的人，好好珍惜現在對你好的人，有些人講一聲再見，這一世就真是再也見不到」，令人深有共鳴。
許紹雄早已看破生死
許紹雄早已看破生死，坦言人離開後帶不走一磚一瓦：「先唔好講有冇來世先，百年之後塵歸塵土歸土，冇你亦都冇我，我哋頻頻撲撲老老實實一世，帶唔走一磚一瓦，人生苦短，所以食你想食嘅嘢，見你想見嘅人，睇你鍾意睇嘅風景，做你鍾意做嘅嘢，來日並不方長，有錢將日子過好啲，冇錢將心情調整好啲，日子一日就咁過去，有日你咩都會放低㗎嘞。」生性觀的許紹雄還說：「人一世，最緊要照顧好自己，除咗健康，乜都唔真正屬於你，少啲激氣﹑少啲計較，多開心，你話幾好呢？輸咗健康，贏咗呢個世界咁又點？好多病都係激出嚟，激氣10分鐘，就等如捱夜5個鐘，所以我哋唔好嘥心機，同啲爛人爛事去糾纏，唔經歷爛事，點算係人生？記住心闊路先係闊嘅！」
相關閱讀：許紹雄離世丨許紹雄彌留狀況被公開 傳腎癌擴散急性昏迷 家人通知好友到醫院見最後一面
許紹雄私下一面被瘋傳
許紹雄的離去，不單昔日經典角色勾起大家的回憶，連這些金句亦再被瘋傳，有人說：「許紹雄真的很通透，回頭看他以前說過的一些話，不得不感慨他活得很明白很清醒」、「沒錯！世事難料呀，開心時就盡情去開心」、「人生就像戲，要珍惜機會追夢，更要感恩知足，珍惜身邊人」、「歡喜哥一路走好」、「感謝你給我的人生帶來過快樂，願天堂沒有病痛。」甚至有人憶率述許紹雄私下一面：「當年做空姐嘅時候，好記得有班機飛新加坡，我負責個zone其中一位客人係Benz雄。 佢當時係一人travel，全程都好低調。 嗰班機九成都係大陸客，然後阿姐叫我派問卷俾客填，我唯有厚住面皮問Benz雄：『你好許生，請問你方便幫我哋填個問卷嗎？』 佢用親切嘅笑容點頭，然後喺餘下嘅飛行時間默默填哂呢四、五頁問卷…」
