90年代女神童愛玲（Eileen）於1993年演出電影《火蝴蝶》出道，其後以「第二代阿May」的身份與黎明拍電訊公司廣告，當時童愛玲用傳呼機提黎明「危險、速逃」，黎明深情的一句：「有緣嘅，我哋會再見。」至今是心目中的經典。其後又曾與梁朝偉、劉青雲合作而被封為「男神磁石」。童愛玲於2003年與台灣富商王敦民結婚，火速誕下兒子王子毅後，淡出娛樂圈。
童愛玲婚後過着少奶奶的生活
童愛玲婚後過着少奶奶的生活，早前曾表示要搬離居住16年市值近4000萬的港島南區海景豪宅，留言大表不捨，童愛玲公開舊居照見到有超級巨廳及無敵海景，童愛玲的新居同樣奢華，空間感十足。童愛玲亦喜歡在屋外的走廊位置玩自拍，大晒不同款的名牌手袋，當中包括約12萬元的Hermès Kelly bag，閒時相約好友聚會，生活無憂。
相關閱讀：90年代「男神磁石」女神搬離居住16年豪宅公開新環境 嫁初戀富商淡出21歲學霸仔為愛好棄留英讀法律
童愛玲否認自己是富商太太
童愛玲日前接受方健儀的YouTube節目「女人方言」訪問，童愛玲否認自己是富商太太，她說：「『富商』兩個字真係同我冇關係嘅，同我先生都冇關係。我覺得佢都係普通人，今日所有都係靠佢自己好努力做嘢賺返嚟，佢好怕羞，好怕上鏡，我好少提起佢，可能有個神秘感，所以啲人誤會話佢係富商，其實唔係，我哋好簡單，家庭生活好簡單，簡單就幸福。」童愛玲與台灣富商王敦民結婚23年，王敦民是童愛玲的初戀情人，童愛玲在訪問上表示二人重遇仿如拍MTV般浪漫：「唔知算唔算初戀，似puppy love，佢係我鄰居，跟住到咗大學後各奔東西。」童愛玲透露當時已到香港發展，剛巧返台灣拍洗頭水廣告而重遇王敦民：「我哋有七、八年冇見，嗰陣佢喺對面擦身而過，我冇留意到佢，佢擰返轉頭嗌我助手，問頭先嗰個係咪Eileen，佢講英文名，我助手覺得講英文名唔係童愛玲，應該係朋友識得嘅，咁就開始聯絡返。」
童愛玲指夫妻相處之道貴乎信任體諒
結果兩人在2003年結婚，至今一直很恩愛，童愛玲指夫妻相處之道，貴乎信任、體諒及少少的Compromise（妥協）：「婚姻唔係話要將對方變成理想中嘅老公或者老婆，而係真正咁欣賞你嘅另一半，婚姻先可以長久，可以一起走下去。」童愛玲又指譬如老公喜歡陪她shopping，但她就認為壓力好大，但仍會互相遷就「佢鍾意係因為好想陪我做我鍾意做嘅嘢，但同時我亦好consider（考慮）你好悶，我又壓力好大，我又好consider你，所以我唔想佢陪我，我覺得唔止係自己鍾意嘅嘢，而係要去欣賞人哋鍾意嘅嘢。」童愛玲婚後誕下兒子王子毅，王子毅生得相高大，身高有6呎2的王子毅是NBA狂迷，原本在英國留學的他後來放棄留英讀法律，改到美國升讀名校華盛頓大學讀商科，亦可追逐籃球夢，童愛玲當然支持兒子的決定，不過亦有勸兒子努力減肥：「我個仔1.9米高，試過280磅，。我叫佢去減肥，冇用嘅，要佢自己發自內心。到佢大學一年班時，動機來了，一年減100磅。」
相關閱讀：颱風樺加沙丨童愛玲屋企滲水成晚失眠擔心爆玻璃 老公兒子離港獨自面對無助恐懼
