有做物業投資老友話，恒指升超過2萬6千點，隨時超越2萬7千點，股市又成為人們飯前飯後談話內容，相信大部分人都在股市搵到錢，所以消費市場亦比較旺，尤其是蘭桂坊，有酒吧食肆經營者話生意已經有全盛時期的八成，希望唔好係虛火。
不過物業投資者可能錯過了今次股市升浪，他們唔係唔想玩股票，而是在銀行Call loan之下唔敢玩，萬一被銀行要求補差額，而現金又被股市套牢，最終物業被銀行沒收，變成銀主盤，咁樣就得不償失，倒不如預留一些現金，等應付銀行Call loan之後才作打算，賺少啲都好過被銀行收樓。
恐銀行Call Loan拒玩股票
老實說，今次香港的物業投資者可以說是完敗，從國內來的資金因為不需要應付銀行Call loan，可以全力投資股票，在6個月之後，累積了一定的利潤，就會轉去投資地產，就算樓價比6個月前略有升幅，但相比股票收獲，根本是微不足道，所以，亦有不少人話，當股市升了6個月之後就會輪到樓市，就是這個道理，其實唔係輪到，而是係投資者在股票市場搵夠，就會搵一些低水位投資，在現時環境，唔係物業又係乜。
不過，又不是所有物業都值得投資，住宅當然可以，甲廈舖位亦不俗，商場就要小心一些，施羅德都玩唔掂，一般投資者又點識玩。
湯文亮
紀惠集團副主席及行政總裁
相關文章：
這陷阱偏財仔遇上｜湯文亮
