裝修風格向來見仁見智，從無絕對標準，但若將自家新居公開分享，難免要面對大眾意見。近日就有一位港男在網上大方分享自己的新居裝修，但意外引發熱烈討論，當中睡房的Chanel標誌床頭燈成為爭議焦點，被大批網民批評「品味不足」，不過亦有不少人為其抱打不平，掀起一場裝修審美大戰。
據了解，這位港男以白表單人資格購入一個實用面積約280方呎的居屋單位，經過一段時間裝修後，終於迎來入伙階段，所以在Threads上發文分享成果，並附上多張室內照片，從睡房、客廳、廚房到浴室，全方位展示新居樣貌，字裡行間滿是對新居的期待。
點擊睇港男280方呎新居：
帖文發布後，迅速吸引過百條留言討論，不過以負面評論佔多，並集中在睡房一盞Chanel標誌床頭燈上，直言「個Chanel logo真係俗不可耐」、「好肉酸，零富貴感」、「有名牌加持都救唔到屋主品味」、「個Chanel logo好有淘寶feel 」。
點擊睇網民評論：
有網民表示該床頭燈破壞單位整體質感，「個Logo令到成間屋Taste直線下降，雖然其他位都唔係有Taste」，還有網民關注版權問題，好奇「會唔會俾人告侵權？」，亦有人感慨「審美真係用錢買唔到」。
除床頭燈外，有網民就關注其他裝修細節問題，表示「個廚櫃半遮蓋熱水爐同天花板電制到底發生咩事？你唔係打算收貨呀？」，甚至有人調侃「建議樓主都係Po返去公屋裝修群啦……果邊啲人嘅Taste應該會讚你間屋靚」。有人則建議拆去廁所及廚房裝修再重新再整，認為「極度唔夾」。
不過也有不少人為港男發聲，認為家居裝修應以個人喜好為首要原則，「恭喜新屋入伙，自己鍾意就得！」另有網民反駁負面評論，「雖然大家審美唔同，但我覺得只要自己開心就得，唔使理人」；還有人批評網絡言論過於苛刻：「Threads真係好恐怖，你哋真係毫不留情，其實唔使係咁踩人哋新屋，你哋又冇份住，俾人哋開心吓唔好咩？」；更有人呼籲理性看待，「自己鍾意就好，大把人連屋都冇，值得開心嘅事唔使理人地講咩」。
在討論聲中，有裝修經驗的網民從實用角度給予具體改善建議，「真心講，師傅手工其實唔算差，只係冇Design sense（設計品味）」，並針對不同位置逐一分析：
‧睡房：有野壓住床頭果唔係咁好，有機會影響睡眠，同埋天花板個蘇位可換成白色板面。
‧展示區：Display位可以參考多啲Pinterest（案例）點執，最緊要唔好擺咁多野出嚟。
‧廚房 / 洗手區：呢一刻冇咩可以改，下次裝修記住拉番直個Sink（鋅盤）。
‧客廳 / 儲物區：呢個面積嘅屋企係唔需要擺咁多玻璃櫃，有留白會好啲。同埋房燈可以揀暖啲（低於3000k），會冇咁有靈堂風。
‧浴室：枱面盆要勤力清潔，好易污糟。花灑頭用黑色啞面好易漬水垢，Subway tiles（磁磚）多grouting（縫隙）易發毛，記得裝浴室寶。
相關文章：2026年5大熱門家居設計前瞻 宋代美學有意境 孟菲斯具玩味 附淘寶訂傢俬貼士
相關文章：兩房巧變三房 僅花$6000 即睇7步改造 私人空間與儲物量兼備
相關文章：內地90後女生翻修農村舊房子 打造輕歐風格 聲稱成本僅10萬
相關文章：工程師20萬裝修舊樓DIY 單計清拆已花近8天 奉勸沒經驗人士不要碰
