內地大型主題公園「歡樂谷」已有20多年歷史，雖然曾發生過山車事故，但近年憑藉「男色經濟」，聘請俊男擔任工作人員吸引眾多遊客，成功「起死回生」！適逢萬聖節，歡樂谷請來「小鮮肉」和「肌肉男」任NPC扮鬼扮馬，有網友分享入園經歷，稱可與美男貼面合照、擁抱互動，大讚抵玩，更於社交平台掀起熱議。
深圳歡樂谷萬聖節靠「男色經濟」翻紅！網紅任NPC扮鬼扮馬
適逢萬聖節，深圳歡樂谷舉行「驚奇潮玩節」，除了打造多個刺激驚險鬼屋及沉浸驚奇主題區域，更聘用大量俊男及猛男擔任工作人員扮鬼扮馬，當中不乏坐擁近10萬粉絲的網紅，化身吸血鬼、狼人等角色，以俊朗外型和親密互動作招徠，除了會不定時於園內現身與遊客互動，每晚舉行的「全園區花車巡遊」中，一眾高顏值NPC更會參與其中，數十位「小鮮肉」近距離與遊客展開即興互動，亦有當地的男團及女團演出，相當熱鬧。
貼面合照+畀心樣樣齊 網友：咁好福利架咩！
深圳歡樂谷的萬聖節活動近日亦於Threads掀起熱議，有網友分享入園體驗，稱可與美男親密接觸互動，如貼面合照、擁抱、拖手、畀心等，更大讚質素高「好多都勁似明星，全部都好靚仔」，又指十分抵玩：「百幾蚊門票可以捉手仔又可以影相」、「情緒價值給的很到位。」引起不少網民留言表示羨慕：「嘩……咁好福利㗎咩」、「絕對係呢個萬聖節最值得去嘅地方。」
來源：Threads、小紅書
