TVB節目《東張西望》昨晚（23日）播出一名患有自閉症及輕度智障的兒子「陳同學」，多次在校內遭「蘇同學」欺凌，甚至侵犯。其母親及家姐「陳小姐」曾向校方反映，問題未獲正視，「陳同學」之後更多度受傷，家長一度報警，有指校方沒積極協助，更質疑「陳同學」的證詞。
「陳同學」在今年6月再被欺凌
「蘇同學」畢業後，以為事件告一段落，但「陳同學」在今年6月疑再被「何同學」欺凌，《東張》今晚（24日）繼續跟進事件。節目上播出學校家訪的片段，「陳同學」在今年6月被「何同學」在課室被人「將個頭撞向枱面」，還有摸下體，當時許老師和全班同亦有在場，「陳同學」當時許老師並沒有出聲。
相關閱讀：東張西望丨輕度智障自閉症男生爆遭同學摸私處 家長反映後變欺凌質疑校方有隱瞞
「陳小姐」稱學校只係不停敷衍同安撫
從家姐「陳小姐」稱學校和社工在CCTV中，並沒有看到這樣的動作：「我問佢哋睇咗幾多，佢話剩係睇咗部份，喺我哋家長嘅角色，你哋睇咗部份CCTV就上嚟同我哋交代，咁係交代啲乜嘢？件事都未解清楚，只係不停敷衍同安撫我哋。」最後「陳小姐」決定再報警，但在處理細節，產生了不少疑問，為何事件會一而再、再而三地發生？「陳小姐」懷疑有老師教唆，甚至出手：「佢話係許SIR唔畀佢講，如果將呢件事話畀屋企人知，就冇得返學同見朋友，仲會叫『何同學』繼續摸佢。」「陳同學」在訪問期間，亦多次提及許老師不允許他向家人說，又表明上學最怕見到的是許老師。
「陳小姐」稱細佬的語音多次提到「安全」字眼
「陳同學」還稱試過被許老師「鍊實」個咀，將一杯熱咖啡倒入口，「陳同學」的媽媽說：「聽到之後個心痛，懷疑好大程度係老師教唆同學仔去欺凌佢，佢話老師冇出聲，只係用手勢就有同學仔去欺負，我聽完之後都覺得不可思議，成晚都瞓唔着，跟住同個女商量。」家姐「陳小姐」稱細佬的語音，多次提到「安全」、「返學開開心心」等字眼：「係最近發生咗呢啲事先有，以前係冇，我都唔會佢喺邊度學返嚟，邊個教佢講？令到我有好多懷疑。」她們在今年6月29日去了報案：「我哋喺警方口中知道，佢23號就去咗報警，我覺得佢嘅動機係想撇除呢啲責任，覺得已經做咗嘢，如果佢真係想幫我哋，應該要話畀我哋聽，甚至一齊去報警。」
「陳小姐」希望為細佬討回公道
「陳小姐」和細佬「陳同學」先後錄了口供：「警方話細佬啲表面傷唔算嚴重，所以叫我哋有心理準備未必會上到法庭，但係都會同我哋調查，學校話CCTV已經overwrite咗，我自己梗係唔相信，學校都去咗報警，究竟佢哋係想唔想處理？如果係想處理，係咪應該保留呢啲cctv去做證據？」其後「陳小姐」再收到警方的調查進展：「警方話問過嗰位『蘇同學』，但係佢乜嘢都答唔到，同埋佢已經入咗青山醫院。至於『何同學』，警方話喺8月搵過佢，但係搵唔到，學校書面回覆又話會配警方調查，cctv冇晒、紙本會議紀錄又話唔會提供，以我哋所知，警方係未搵呢位『何同學』，涉事老師同埋學校亦未有最新狀況同進展。」事件發生後，「陳同學」的性格和行為都有很大變化：「有時候佢去廁所會好耐，見到陌生人又會好驚，特別係男士，仲唔畀人掂，唔摸得，我哋覺得對心理上有好大傷害。」《東張》分別向教育局和警方查詢，警方稱在7月於屯門區拘捕一名18歲男子，目前在保釋候查。校方則稱一直高度重視。「陳小姐」和媽媽希望在新學校不會發生同類事件，亦想為細佬討回公道，「至少都希望等人知道學校係做緊啲乜嘢，多啲人同團體關注特殊小朋友。」
