【彩龍皇宮大酒樓／李龍基】近年香港酒樓結業潮不斷，近日位於彩雲商場的「彩龍皇宮大酒樓」宣佈將於10月15日（明日）結業，結束45年的經營歷史。曾視彩龍皇宮大酒樓為飯堂的李龍基，過去亦曾在該酒樓「做騷」，他接受《星島頭條》訪問時表示：「唉，聽見佢話結業，其實個心都幾悒。」
彩龍皇宮大酒樓結業｜李龍基：佢幾好生意㗎
無綫電視早年尚未搬遷至將軍澳時位於清水灣，與彩龍皇宮大酒樓相距較近，令該酒樓成為早年TVB明星飯堂，當年不少藝人都會到彩龍皇宮大酒樓吃飯，包括已故的李香琴、米雪、曾華倩、苗僑偉、黃日華等。
李龍基接受《星島頭條》訪問時表示：「唉，聽見佢話結業，其實個心都幾悒，因為舊年我喺嗰度做過騷，亦都覺得佢歷史悠久，其實（佢都）幾好生意㗎，以當時嚟講，覺得佢啲生意都唔錯。」他回憶當年TVB仍在清水灣時，彩龍皇宮大酒樓是當年的明星飯堂，他說：「聽到佢結業其實真係好心悒，因為點解呢，一方面呢以前我哋好多時都落去飲茶，同埋啲藝員同事，一收工如果大家時間啱嘅，就一齊去飲茶食飯。」
彩龍皇宮大酒樓結業｜李龍基：一間酒樓結業影響好多人
李龍基又慨嘆香港正經歷結業潮：「一間咁老資格嘅酒樓結業，香港其實依家係咪經歷緊一個結業潮？呢吓係最心悒，因為點解呢，一間酒樓，雖然話佢係一間酒樓結業，但都影響好多個家庭，好多時（家庭）經濟支柱就喺嗰度嚟，咁依家一間酒樓結業，真係影響好多好多人，唉，冇計啦，我哋睇吓香港人點樣齊心協力度過呢個難關啦。」
彩龍皇宮大酒樓除了是一代明星飯堂之外，亦是不少歌手舉行活動或登台的地方，如麥德羅及鄧英敏等。李龍基則曾於今年3月在該酒樓舉行《聲浪重啟榮耀之夜》，每席12人索價4,688元。
