【巨塔之后/線上看/劇情/宣萱】由TVB與優酷合作拍攝的醫療劇《巨塔之后》（The Queen of Castle），已於2025年9月29日八點半播映，《巨塔之后》由宣萱、陳展鵬、陳煒、劉佩玥演出，鍾鎮濤、湯鎮業、馬國明、蕭正楠等人特別演出。
陳楨怡大鬧鍾鎮濤係X街
在昨晚（29日）播出的首集，「董一妍」宣萱與「王進濤」鍾鎮濤舉行世紀婚禮、對爸爸「王進濤」早有積怨四女「王啟心」陳楨怡大鬧婚宴，不止一次大鬧爸爸「王進濤」鍾鎮濤係X街兼用酒怒潑外，還掟爛玻璃杯兼揚言斷絕父女關係，期間還拋出一句：「一條人命嚟」，陳楨怡今次爆炸性的演出成功吸引了觀眾的目光，相當搶眼
相關閱讀：《巨塔之后》9.29 TVB首播 全25集劇情懶人包！宣萱陳煒掀醫療王國權力鬥爭（附線上看連結）
陳楨怡感激鍾鎮濤給予了不少鼓勵
2020年港姐亞軍陳楨怡曾在《新聞女王》中飾演「聶莎莎」、《巾幗梟雄之懸崖》中的飾演「寧俐」，今次在《巨塔之后》來個越級挑戰，怒吼兼鬧爆鍾鎮濤X街，陳楨怡坦言有壓力：「其實睇劇本見到呢場戲都好驚訝，咁都係我第一次要拍潑酒同鬧人X街嘅場口，事前我又冇同前輩B哥哥（鍾鎮濤）合作過，拍時個心有少少亂，因為場地好大，我要好大聲之餘、情緒又要爆發去到嗰個位。同場場戲其實得一次機會，因為要潑酒！」陳楨怡感激B哥哥給予了不少鼓勵及Advice：「B哥哥真係好nice，拍之前佢同我講：『你放心潑得！』仲用好慈祥嘅笑容望住我，畀咗好大嘅支持同鼓勵我，所以呢場戲都好順利，wide shot一次同近鏡一次就搞掂」又感激宣萱及導演為她做心理建設：「佢哋同我講：『你咩都唔好理，咩都唔好諗。』」
陳楨怡曾傳一拖七」形象受損
陳楨怡又透露掟酒杯落地是臨時增設：「嗰陣同導演夾，不如揼玻璃杯落地啦，效果好似好啲！不過我到拍嗰陣先真正揼個玻璃杯落地，都有嚇親自己，因為都幾大聲，同埋玻璃碎會散到周圍都係。但嗰刻我要表現到我好嬲、唔驚咁樣！」為了今次演出，陳楨怡專登在開拍前一個月找鄧智堅上演技堂。家境富裕的陳楨怡憑「九頭身」的黃金比例獲網民關注，曾被爆在英國留學時期愛夜蒲，又與戴祖儀的前度拍拖，2022年初除有已公開的男友外，爆出同時搭上西貢地主之子兼前歌手周子揚，與對方發展地下情長達一年半，又傳女方於TVB「一拖七」，結果形象受損，一度要北上內地拍劇，陳楨怡的生活有很大改變，經常晒出海滑水、做瑜珈及畫畫的照片，後來積極地學習劍術，更有參加武術比賽，有望成為新一代打女！
相關閱讀：巨塔之后丨宣萱期待開續集到南美拍《巨塔之王》 曾自薦到非洲拍《天涯俠醫》皆被拒 知鍾鎮濤首奪「最佳男演員」望獲加持
