31歲前英皇小花曾樂彤由YouTuber轉做歌手，2024年成為獨立歌手，留在樂壇發展，今年5月宣布與音樂監製徐浩結婚，婚禮將在年底舉行。曾樂彤近日突然在社交平台自揭曾用烹飪方式處理排泄物，震驚網民。
曾樂彤交木工功課
曾樂彤日前在Threads上載一張木製迷你廁所相，透露大學時期曾「玩屎」。曾樂彤表示當時為交木工功課，製作出精緻的木製迷你廁所：「呢個係我大學木工期中一個exercise，好似要做一個容器（我就係整咗呢個廁所）」。
相關閱讀：曾樂彤宣布與音樂人徐浩結婚！曾戀游學修 未婚夫係連詩雅舊愛兼MIRROR御用監製
當時曾樂彤為做測試，竟然選擇用糞便，而且不是用自己而是揀母親的排泄物，再次嚇親網民。曾樂彤表示：「然後用唔同方式test一種物料，我揀咗用真屎！仲要係我阿媽嘅屎！！真係好癲！！點解我阿媽會陪我癲？」
曾樂彤認真做試驗
最後曾樂彤還認真用糞便做試驗，嘗試用不同方法處理：「印象中我好似用咗水煮／火燒／油炸等等方法，真係唔知道哪來的勇氣」。曾樂彤的破格思路引起網民討論：「我睇緊甚麼？」、「我會喺內心默默地記低你呢個新人設」、「我越來越欽佩你了」、「嗰個櫃桶要嚟儲存？」、「好彩佢唔係整棺材」等。
曾樂彤感謝媽媽
亦有網民認真研究曾樂彤選材的標準：「大癲！用真屎」、「用屎test物料係咩意思」、「當時情況係點？點解要係媽媽？咁（唔）用自己或者其他人嘅？」曾樂彤也有認真回覆網民：「要新鮮，所以present前一日邊個有先就用邊個先，主要原因都係母親對女兒無條件嘅包容同埋愛」。
相關閱讀：徐浩一手包辦婚禮 預告邀MIRROR成員出席 曾樂彤自爆半夜獨自睇急症
