香港泊車咪錶位向來「一位難求」，尤其是在午市和晚市時段，駕駛者常常都苦苦難尋。然而日前，以「鹹蛋肉餅山」馳名的大坑明星食堂「民聲冰室」於在社交平台專頁分享，指驚見有「大坑食街」之稱的浣紗街，食晏時段竟然水靜鵝飛，甚至是「有咪錶位冇車泊」。帖文引來大批留言熱議，有網民更神破解食街人氣「已成歷史」的真正原因。
大坑食街浣紗街 「有咪錶位冇車泊」！明星食堂老闆慘呻︰排隊景象已成歷史
位於大坑的浣紗街向來有「大坑食街」之稱，皆因這街上人氣食肆林立，如以巨型「鹹蛋肉餅山」馳名的民聲冰室、邪惡流心爆餡曲奇Cookie Vission、火車頭越南餐室等，加上附近又有炳記茶檔、順興茶餐廳等，深受老饕歡迎，每連午晚市時段或周末假日都非常熱鬧，而位於浣紗街的咪錶錶位露天停車場更是「一位難求」。
不過日前民聲冰室的老闆就於faceboook專頁發文，指浣紗街最近出現「奇景」︰「半條浣紗街，到而家差唔多食晏，仲有十個八個錶位剩」，並指「都唔係咩新鮮事」，而且「有時問啲客咁耐冇見」，客人可能會解釋是因為難找車位，或是擔心堂食要排隊等位，但「呢啲景象已成歷史啦」。
網民神拆解箇中因由︰喺度食過餐$320嘅早餐
而從帖文附上的圖片所見，浣紗街露天停車場上的數十個收費咪錶車位，只泊有兩三架車，與之前的「熱鬧」全泊滿場面截然不同。帖文一出引來大批網民留言，有人認同有如此多錶位「真係奇景」、「以前一早已經冇晒」、「以前呢度有位泊車真係要買六合彩」，以及「以前等泊位等到癲」，有網民更因為無錶位下曾經違泊，因而「喺度食過餐$320嘅早餐」。
不過，有醒目的網民就神分析出浣紗街之所以「水靜鵝飛」的一大重要因素，「錶位加價100%，就係鼓勵車主減少活動、減少出街消費」、「（咪錶）加到16蚊個鐘，泊停車場好過」、「大埔都係咁，依家泊車大把位」。但亦有人就反認為是好事，「錶位加價後好多區都係咁，好多次想去食飯比人霸哂錶位，真係去食飯嘅依家容易搵到位泊，係好事嚟」。
資料來源︰民聲冰室
