城市大學食堂上演座位爭奪戰！近日有香港女學生在食堂內因座位問題與兩名內地人發生爭執，事主當時與友人將隨身袋放在座位上，點餐後短暫離開取餐，惟僅僅1分鐘後，座位隨即被兩名內地人霸佔，雙方當時更爆發激烈爭執。事件公開後在網上引發熱議，有網民指出在餐廳內將背包放在座位上，代表「座位有人，暫時離開」是香港約定俗成的習慣，並斥對方：「唔肯融入香港文化！」
城大食堂上演座位爭奪戰！女學生放袋佔位 外出取餐空檔座位即被霸佔
最近一名女學生發文分享在香港城市大學食堂用餐的遭遇，事主表示，當日在食堂找到座位後，將隨身袋放在椅子上，並掃描二維碼點餐，隨後離開座位前往取餐。惟相隔1分鐘後回到座位，卻發現座位被兩名內地人佔用，對方要求事主另覓座位，並表示：「個位冇寫你名」，並稱「唔可以用啲袋嚟霸住個位」，形容態度囂張。職員介入無果，事主唯有尋找另一個座位。對此事主感到憤慨，形容對方「人無恥便無敵」。她補充，由於大學食堂不設送餐服務，學生需自行取餐，短暫離開座位是常見做法。
網民斥：唔肯融入香港文化！
事主的遭遇於網上引發熱議，有網民指出在餐廳內將背包放在座位上，代表「座位有人，暫時離開」是香港約定俗成的習慣，並怒斥對方：「我哋香港人會有個共識知道人哋去攞嘢食，唔會去坐人哋張枱」、「本土長大的比較講道理些，如果有人在坐位或枱上放置物品，一般不會佔據他人坐位，明白別人可能去取餐或去洗手間」、「無錯，呢個唔係法例，亦唔係必須，但呢個係香港文化。擅自拎起別人物品，可作企圖或意圖偷竊喎！」、「唔肯融入香港文化！」、「香港地好多人都自己食飯，見到人放低左袋都醒目搵過第二個位，係呀係無規定放左袋唔俾坐，因為根本唔駛規定係禮貌，佢地完全唔明白。」
不過亦有人認為事主不應用隨身物品佔位：「你攞個袋霸位其實都no good，打和！」、「用個袋霸位？人無恥便無敵。」隨即引來網民反駁：「話樓主用袋霸位唔啱個啲係咪有病？樓主並唔係霸位，而只係出去攞餐。你去快餐店叫完嘢食要等，都會去搵個位坐低、放低袋，到叫號碼先出去拎餐啦，我就唔信你成世人係香港未試過咁做。」、「話樓主唔啱嗰啲，想知你哋一個人食food court通常係點？講緊繁忙時段」、 「搵到位之後唔使出去拎嘢食㗎，唔通返嚟坐喺地下食咩？」「話放個袋係度唔可以霸位嗰啲，真心唔係香港人。」
來源：Threads
