60歲的前亞姐羅霖曾與富商劉坤銘有一段17年的婚姻，二人婚後育有三子，但至2013年決定離婚，當時羅霖表明離婚原因涉及家暴及第三者，消息轟動一時。據指羅霖離婚後淨身出戶，因當時她沒有能力照顧3名孩子，於是她帶著當年只有6歲的小兒子劉子晉（Jonathan）離開並投靠娘家，想不到最後大仔和二仔亦主動要求與羅霖同住。
羅霖近日接受好友鍾慧冰的YouTube節目訪問，多年來羅霖獨力照顧大仔劉子榕（Nathan）、二子劉子熙（Jordan）及細仔劉子晉（Jonathan），原來劉子榕和劉子熙成就非凡，二仔劉子熙碩士畢業後任職心理醫生，大仔讀完Graphic Design後，目前在香港大學攻讀社會心理學碩士，羅霖可謂苦盡甘來。
相關閱讀：《真情》女星談忍受前夫家暴、背叛內幕 拖6年先離婚同父母有關：話我生咗3個小朋友緊係要忍啦
羅霖離婚後復出幕前，獨力湊大三個兒子，大仔Nathan在理工大學畢業，目前在香港大學攻讀社會心理學碩士，二仔Jordan成家立室移居美國，細仔Jonathan亦早已長大成人，一家人顏值相當高。羅霖近日接受好友鍾慧冰的YouTube節目訪問上，重提當日淨身出戶，羅霖說：「我哋只係一張白紙，冇呢啲經驗，所以好多嘢都係零，再加上媽咪一句話，一家人有粥食粥，有飯食飯。嗰陣前夫話叫我唔好同人講我哋離咗婚，會影響三個小朋友的，於是我咪保密，點知同人哋傾工作，梗係有男有女，點知畀人哋影到相，就話我有第三者，人哋又會用嚟攻擊我，其實我哋已經分居咗，唔係有第三者，所以我都同啲經歷婚姻唔如意，又或者將會離婚嘅人講，如果你離婚一定要講出嚟，因為係保護自己，你唔知道對方會唔會用呢啲嘢嚟攻擊自己。」
離婚後羅霖本來與細仔同住，但兩個月後，大仔和細仔竟然要求與媽咪同住：「大仔最初話嚟住一晚，點知佢唔走，我本來話我咪要負責晒仔你啲嘢？但最後又唔忍心叫佢走，咪畀佢留低，點知再過一個月，二仔半夜三更拎住行李嚟搵我話啱啱爭啲爸爸打架，問我可唔可以嚟我屋企住一個禮拜，點知冷靜完又話唔走，於是三個仔就跟着我。」羅霖曾經因為贍養費問題而打官司：「嗰陣我用咗六位數打官司，但係女律師叫我唔好再打，對方有錢有時間，我冇錢又要做嘢，仲要照顧三個小朋友，佢驚我再打官司會崩潰，因為我有好多嘢要面對，佢仲話唔賺我錢，不如留番啲錢畀個仔去讀書，最後我決定唔再打，佢想畀幾多就幾多，我努力做嘢。」
相關閱讀：前亞姐羅霖細仔高中畢業！三子擁韓星型仔樣好高大 傳遭家暴離婚做單親媽捱出頭
