警方早前在小巴放蛇，票控最少31名乘客無戴安全帶，引起關注。有網民昨日（8日）搭九巴，巴士車長在開車前，罕有「開咪」要求全車乘客扣安全帶。
該車長用風趣幽默的口吻，苦口婆心勸籲乘客要習慣佩戴安全帶，其「導遊腔」廣播內容瘋傳掀起熱議。
九巴車長罕有開咪要乘客扣安全帶：「大家習慣吓佢啦！」導遊腔金句連珠稱「罰錢無半價」↓↓↓↓
有網民昨日（8日）在社交平台發片發帖表示：「九巴司機開車前開咪叫人戴安全帶，叫人提早養成『良好習慣』……」
從樓主上載的影片中，可以清晰聽到車長生動有趣的廣播。他先以近日警方在小巴放蛇票控無佩戴安全帶的新聞作引子，再提醒乘客巴士亦將實施相關法例：「咁嚟緊法例實施啦，巴士要唔要『攬』呀？要啦，大家都知啦，甚至有啲網民講笑，企位都『攬』啦，綁住佢啦。」
這位車長說「（有無人）坐過我車嘅？」似乎暗示每程車，他都會要求乘客扣安全帶。
戴安全帶比喻成「玩遊戲」：唔識玩我教佢玩
最有趣的是，他竟將戴安全帶比喻成「玩遊戲」，「大家習慣吓佢啦，睇吓巴士張櫈有無安全帶先，有就嘗試習慣『攬』起佢，試吓玩吓佢先。」
他又親切地問：「有無乘客們係唔識玩㗎？唔識玩，我教佢玩呀！」 更教路大家趁著車程，可以「解吓佢，『攬』下佢；解吓佢，『攬』下佢，玩下佢先」，務求讓大家盡早養成「良好習慣」。
車長更「溫馨提示」，佩戴安全帶不僅是為了自身安全，也是為了「銀包裡面啲錢都安全」。
「銀包裡面啲錢都安全」
他更半帶玩笑地提醒罰款之重，而且小童和長者都無半價優惠，強調：「一罰親就好重啦喎，小朋友有無半價呀？無㗎喎，65歲以上人士有無優惠呀？都無㗎喎，一樣罰咁多。」
帖文一出，隨即引來大量網民留言。不少網民大讚車長可愛、風趣，形容他「啲口吻完全係導遊腔」、「司機叔叔暖暖溫馨提示」。有乘客更認出這位車長，笑稱「又係呢個師兄」、「呢個司機係好得意」。
網民：啲口吻完全係導遊腔
發文的樓主對於立法強制扣安全帶提出質疑，認為：「唔戴安全帶，唔會影響其他人,又唔關乎公德，戴唔戴從來純屬個人決定…點解要立法強迫人戴,真是一個迷。」
然而，不少網民並不同意樓主的觀點，並支持扣安全帶的必要性。有網民指出，發生意外時，未佩戴安全帶的乘客可能會被拋離座位，對其他乘客構成危險：「唔帶安全帶你飛咗去會危害他人，同行李要放好同一道理。」
「如果所有人帶安全帶，要消防員拯救出嚟嘅人唔會太多……」
另一名網民則從社會資源的角度分析：「（無扣安全帶）舒服嗰個係你，但發生交通意外提供醫療服務，好多時政府提供的……如果所有人都帶上安全帶，真係需要去醫院的人會唔會有太多……需要消防員拯救出嚟嘅人都唔會太多……」
樓主未有交代涉事巴士路線，但從上載影片車廂報站屏幕，估計有關巴士可能為九巴230R線，該巴士來往馬灣（珀欣路）及九龍站。
根據政府早前修訂的《道路交通（安全裝備）規例》，2026年1月25日起，乘客如乘搭已配備安全帶的專營巴士、公共及私家巴士等，均須佩戴安全帶，違者可處罰款5,000元及監禁3個月。新修訂亦涵蓋校巴、旅遊巴及跨境直通巴等。
來源：rachelwongt＠Threads
同場加映：巴士上剪指甲車長開咪鬧 19字「金句」惹熱議 網民：車長經歷過？↓↓↓↓
