TVB小花鄺靜汶（Cindy）曾參選《2020香港小姐競選》，當時在首輪面試之中被視為大熱人選，但最後未有入圍，不過鄺靜汶其後報讀TVB藝訓班，畢業後極速被邵氏收歸旗下備受力捧，接拍多個廣告與及劇集演出。
鄺靜汶先後收飯局與及交友邀請
酷似張栢芝和黃翠如的鄺靜汶是模特兒出身，在網絡是人氣極高的女神，日前她在IG限時動態出PO表示先後收到一個飯局邀請與及交友邀請，搞到鄺靜汶啼笑皆非。
相關閱讀：【港姐面試】陳慧欣谷胸捲土重來 鄺靜汶獲讚靚過好友黃嘉雯
鄺靜汶入行後曾拍過電影《猛鬼愛情故事》、《2012我愛HK喜上加囍》與及劇集《叠影追擊》和《破毒強人》等，在2022年曾參加《香港小姐再競選》，與19年冠軍黃嘉雯份屬好友。日前鄺靜汶在IG限時動態出PO表示收到飯局邀請的短訊，有人出價$5000元邀請她去飯局：「只食飯，沒有身體接觸，客戶從事保險，可以嗎？」鄺靜汶忍不住說：「唔好講笑喇，$5000蚊都仲未夠我出一段IG Reels，開甚麼玩笑？竟然有人鍾意我呢個類型？我咁爆炸，我忽然就跳掣㗎喇喎，難道佢個客係M底？」
不過怪事接二連三地發生，鄺靜汶又再收到一個交友邀請：「開心認識你，我已經30歲。我嘅工作係軟件工程同網絡安全。我亦都鍾意健身同打機。我嘅興趣/嗜好係混合武術同滑雪板。我都識講英文同日文。我有好好嘅個性。」對方更說：「我唔鍾意講大話，我鍾意努力去覺得自己做得好好。」鄺靜汶說：「又有一個？嘩！無啦啦做咩自我介紹？睇落你好似好好咁喎，但係唔係好適合我，乖啦玩返交友app！其實你係想介紹自己畀我呀？定係想我幫你介紹女仔？定有冇女仔啱呀？佢又善良又盛，佢自己講，我而家都唔係好相信男人講嘢。」
相關閱讀：舒淇憑《女孩》奪導演獎 名導抽水爆出道秘聞：飯局價係XX萬一餐 遭影帝強加床戲
