餐廳服務態度往往會影響食客的觀感。最近有港女與長輩光顧位於沙田的Bakehouse餐廳時，期間店員不慎打翻飲品，並彈濺至長輩的白色褲子上，對方隨即道歉並送上大量濕紙巾，後來餐廳經理提出負責乾洗費用，惟事主認為「好小事」禮貌婉拒。直至結帳時，餐廳方面的處理手法更是令事主大感震驚，大讚「神級公關」！
Bakehouse獲封「神級公關」！店員不慎倒瀉飲品 後續1處理震驚港女
最近有網民於Threads發文，分享光顧沙田Bakehouse餐廳時遇到的小插曲。她表示當時店員不慎將倒瀉飲品，更彈濺至奶奶的白色褲子上，對方立即道歉並送上大量濕紙巾供清潔，經理亦提出餐廳方面會負責乾洗費用，惟事主及奶奶認為「好小事」禮貌婉拒。直至結帳時，餐廳竟為事主免單，並解釋此舉是為員工弄髒衣物而表達歉意，事主直言：「成件事太意想不到。」並大讚餐廳「神級公關」，迅速將危機化解。
網民大讚識做：抵佢好生意！
事主的遭遇引起熱議，網民大讚餐廳危機處理及應變能力高：「呢啲先係最高境界的待客之道」、「有時間就寫贊（讚）許信給他們，老闆和員工都做得好」、「非常出色的危機處理和應變能力！大公司訓練有數！」、「幾時都話做生意，公關好重要」、「咁bakehouse一定會care聲譽嘅，張單free都正常」；有網民則分享早前惠顧同一餐廳時感受到的服務態度，「呢間服務態度真係超好！！！食成餐飯冇舉過手搵staff，因為佢地每隔幾分鐘就嚟加水，又換走污糟嘅碗碟，見我地食唔晒主動問我地需唔需要打包，仲要唔慳皮每樣餸分開裝，分好每個人要打包嘅野，值得比加一 再比tips啊真係」
有人指或是因為事主態度好才獲貼心待遇：「應該係你地有禮貌唔貪心對員工友善，所以佢地一定要請你地食大家開心」、「重點係你冇r佢主動offer 」；有網民表示希望香港其他餐廳「學下嘢」，生意才會源源不絕：「如果香港多啲呢啲餐廳，可以照顧到客人多少少，客人有賓至如歸的感覺⋯⋯自然會有客人嚟幫襯！」、「係抵讚，中、高價餐廳係應該咁嘅服務，咁先有來頭客架嘛。」
不過，亦有網民擔憂有人會「效法」事主，「你share咗佢PR咁好，遲下會有班人夾計去食，一枱A嗌好多，另一枱B完全唔嗌但係派條友趁有staff捧嘢嗰陣跑出嚟搞到人哋倒瀉嘢落A枱客人度，碰瓷咁屈人free張單俾佢」、「你咁樣出post好危險，係害咗間舖，可能有人會有樣學樣，湧曬去食霸王餐叫經理賠錢。」
來源：Threads
