現年58歲的黃澤鋒和同齡老婆陳麗麗今年9月初宣布在8月22日已經順利誕下二女「小貴妃」，二人再度榮升做父母，「小黃妃」黃熙恩亦如願成為家姐。「小貴妃」的外貌似十足家姐，皮膚白裡透紅，面珠㻻圓碌碌，相當萌爆，「小黃妃」抱着妹妹裡流露一臉疼愛，她還揚言教育妹妹：「我哋要一齊激爹爹。」
黃澤鋒為太太產後坐月親自下廚
黃澤鋒日前聯同太太陳麗麗、大女兒「小黃妃」與及剛滿月的二女兒「小貴妃」首次一家四口同框亮相，接受車淑梅的訪問。黃澤鋒在太太產後坐月期間，親自下廚，悉心燉煮各式各樣的補身湯水，希望幫助她盡快恢復元氣，難怪陳麗麗迅速回復昔日狀態，盛讚丈夫是「神隊友」。
相關閱讀：黃澤鋒58歲太太陳麗麗生女過程全曝光 爸爸親手為「小貴妃」剪臍帶感動落淚 「小黃妃」密謀與妹激爹爹
陳麗麗追平屯門醫院高齡生B紀錄
陳麗麗於52歲時以「超高齡產婦」誕下大女黃熙恩（小黃妃），到了今年5月，黃澤鋒宣布58歲陳麗麗再度懷孕，他透露再生小朋友是計劃之中的事，今次是在醫生建議下做人工受孕，最終成功，雖然當時外界反應兩極，但黃澤鋒未有太在意並稱「只需要向自己屋企人交代」。今次以58歲高齡產子是否打破紀錄時，黃澤鋒笑言：「以我所知，屯門醫院幾年嘅最高紀錄都係58歲，而家係咪我就唔知，我哋只係追平了！」 早前二人透露曾經歷小產，並在醫生建議下以人工受孕方式迎來二女兒，過程中雖經歷不少波折與失落，但總算苦盡甘來。陳麗麗藉此鼓勵同路人：「你哋唔會孤單，我哋嘅成功係一份恩賜，只要放開心情，奇蹟出現會唔會出現，都係唔同嘅人生任務，唔好鑽牛角尖。」
「小黃妃」分享初為姐姐的喜悅
升格為家姐的「小黃妃」亦興奮地分享初為姐姐的喜悅：「我唔會呷醋，因為妹妹細個，所以爹哋媽咪會錫佢多啲，我都錫妹妹！我會抱住佢玩佢嘅小手，等她大個咗我哋一齊玩捉迷藏。」「小黃妃」自豪地分享照顧妹妹的經驗：「我成日同阿妹玩，成日都攬實佢。我有幫手執尿片。」黃澤鋒笑說：「我成日都整鬼佢，叫佢聞下妹妹嘅屎片，佢好叻，即刻戴返個口罩，一聞就知道係大便定小便。」「小黃妃」口齒伶俐地表示學游泳時學會了閉氣，只要再戴上口罩，臭味便不成問題了。 面對外界曾出現的質疑聲音，黃澤鋒坦言：「我最擔心只係太太頂唔順，我咪同佢講理得幾多，要有阿Q精神，如果鬧完我係開心，咪由你鬧，反正我又唔會肉痛，咪由你講。」陳麗麗續說：「我識佢嘅時候，已經踏咗半隻腳入嚟，我哋溝通，我陀大女嘅時候同自己講，你嘅情緒唔好會影響BB，我要EQ高啲，畀人咒咪檢查多啲，當係一種提點，唔好畀件事發生。到咗呢一胎，咪又係講嗰啲說話，咪當佢係關心我。」
相關閱讀：黃澤鋒58歲老婆陳麗麗生女後狀態掀討論 「小貴妃」與家姐似餅印 婚後年年擺風水求B超額完成
黃澤鋒11.23為「小貴妃」舉行百日宴
黃澤鋒透露將於11月 23日為「小貴妃」舉行百日宴：「喺我哋呢個年紀仲可以搞百日宴，真係好開心！希望到時大家可以嚟飲返杯，我哋一家都好鍾意熱鬧，搞大啲，要開心一晚 」 黃澤鋒為「小貴妃」取名「黃熙喬」，其中「喬」字特意取自已故影帝喬宏之名，期望女兒將來與喬宏叔一樣強壯：「如果上天容許，我希望到90歲都依然身體健康，可以繼續工作，做男人就負責養家。」被問到將來會否照顧父母時，「小黃妃」毫不猶豫地回答：「一定會！我想養，我鍾意養！」「小黃妃」更向父母承諾日後要帶一家人坐飛機，駕車帶他們到處旅行，黃澤鋒夫婦聽得甜入心。
