現年48歲的前「TVB才子」王貽興，2007年曾簽約TVB成為旗下藝人，曾主持多個TVB資訊節目包括《最緊要正字》、《一網打盡》、《謎》及《最緊要進步》等，一度被封為「TVB才子」。近年已離巢無綫的王貽興，既寫書又為ViuTV劇集擔任導演及編審，其後更轉型開班教風水學。不過，他早在半年前突然消失於幕前，同時停更社交平台已達半年，較早前他終於在IG發文交代近況。
王貽興事隔半年再更新IG
王貽興近日在IG發長文分享個人近況，他說：「已經半年冇出post，呢半年嚟，好多人都PM我，問我最近發生咗咩事，問我係咪真係真係唔再開入門班……又問我點解年尾都仲未開流年班，先感謝大家關心。」他坦承自己近半年正經歷不少高低起跌，「呢段日子，我同大家一樣，默默地經歷緊唔少嘅高低起伏，好多嘢都需要安靜地用時間消化，繼續貫徹返之前提醒大家，今年嘅重點，就係低調。」
相關閱讀：王貽興轉行教紫微斗數兩堂收逾2千元 玄學角度分析《給十九歲的我》爭議
王貽興稱2025年必須「低調」
王貽興續說：「無論好壞，盡量一聲不響，盡量唔好公開分享，世道越亂，越容易見到人性醜態，無論你做咩都會有人話，憎你富，厭你貧；恨你叻，藐你廢，經濟唔好，心情唔好，見到邊個就鬧邊個，太多人一念地獄，太多人一鋪清袋，大江健三郎有本作品叫《靜靜的生活》，呢本書名，我響度送畀大家。」他又指，2025年必須低調做人，又稱2025年剩下3個月呼籲大家「頂硬上」，「距離過年前剩返呢幾個月，好多嘢只會加速發生，好多嘢只會更加難捱，大家打掉門牙和血吞，唔好再天真地以為畀人知，會有人幫，有人支持，有人主持公道，This is fxxking 2025，低調為王，好好保重。」
相關閱讀：MIRROR演唱會丨王貽興大爆ViuTV內部黑幕 數臭有人私相授受度縮慳皮
王貽興開班教風水命理
王貽興近年轉型開班教風水命理，雖然先後引起不少爭議，但仍有不少支持者。2011年時，王貽興出版新作《空轉人生》，並首次在內地出版，同年起又主持亞視節目《11點後特區》。2014年，他一度重返無綫為節目《我要做老闆》擔任主持。直至2017年﹐他開始主持 ViuTV節目《晚吹》的「書到用時」環節；及至2018年，王貽興首次以導演及編審身份，參與製作 ViuTV 劇集《VR驅魔人》，且為主題曲填詞和飾演「皮蛋王」一角。
