TVB旅遊節目《潮什麼》系列「旅遊達人」梁芷珮（Christy）與老公經常周遊列國，最近帶同女兒到埃及旅行，睇金字塔、獅身人面像，又在黃昏時分到沙漠睇日落，玩得好盡興。梁芷珮每次外遊少不得落水，昨日（1日）分享絕美水著靚相，大派福利。
梁芷珮愛穿火紅泳衣
梁芷珮今次到鹽湖浮水，穿上火紅一件頭泳衣，正面以深長的V型設計，側身同樣開V接近到腰間，加上細節位在髖骨位置開洞，低調得來又誘人。梁芷珮浮在水中一臉享受，但為免被陽光照射傷眼，梁芷珮一直戴住太陽眼鏡。
相關閱讀：旅遊達人梁芷珮外遊與死神擦肩而過 自駕遊遇塌樹意外車揸快小小就中招
梁芷珮留言：「唸咗好耐，要嚟呢個埃及嘅鄉村鎮仔，冇飛機，冇火車，唯一選擇只有坐巴士或call車，10個鐘車程，係辛苦啲，不過嚟到呢個世外桃源，喺鹽湖浮水，鹽水令你自動浮起真係好relaxing，正到難以形容！仲有水嘅顏色，完全冇加Filter，只係iPhone推光一格另張相嘅顏色balance D，（我覺得現場睇嘅顏色仲藍啲添）埃及真係唔係剩係得金字塔㗎咋！」
梁芷珮有子宮肌瘤
43歲的梁芷珮的家族有青光眼遺傳問題，她的哥哥受青光眼困擾多時，年初曾因眼壓飆升，導致眼睛劇痛，感到暈眩甚至曾經暈倒。梁芷珮坦言擔心自己都有青光眼問題，經檢查後發現眼部狀況處於「擲界」，要定期監察。此外，梁芷珮早前發現有子宮肌瘤，要定期接受治療。
相關閱讀：《潮什麼》梁芷珮子宮生瘤公開最新治療進度 三管齊下醫足半年 婦科檢查有驚人結果
