今年24歲的「寰亞孻女」黃淑蔓，在2015年出道，憑電影《哪一天我們會飛》主題曲《差一點我們會飛》成為歷來最年輕14歲之齡奪得叱咤樂壇流行榜頒獎典禮「叱咤樂壇生力軍」，23年就跟譚旻萱和連家穎組成女團《Me&》出道。早前網上熱話「W姓大胸女歌手做小三」事件，黃淑蔓就成為頭號嫌疑人，不過她之後已經否認。黃淑蔓近日更新社交網，大爆疑似被陌生男人非禮，她表示在現場求救但冇人理，覺得十分不開心。事件放上網之後，有網民也指曾受同一名男子侵犯，疑似是非禮慣犯。
黃淑蔓於尖沙咀商場遭非禮
黃淑蔓於網上大爆疑被非禮經過：「喺tst行行吓，突然之間俾人撞咗下，膊頭同大髀都俾人hi咗，第一下反應唔切，淨係覺得好驚，呢個人撞完我之後即刻瞄住前面另一個女仔想撞埋去，我實在係太驚啦當刻，自己一個人唔知應該點做好，所以我決定遠離，最唔開心嘅係我停咗喺度望我後面經過嘅人求救，竟然冇人理我，各位女生行街嘅時候要小心，我今日已經係長袖衫長牛仔褲帶住頂帽帶住個口罩，真係好無助」。
相關閱讀：黃淑蔓被影射W姓歌手床功勁阿媽嬲爆 雲浩影美容療程後敏感男友冇安慰
黃淑蔓感極度無助
黃淑蔓指自己雖然並冇穿性感衣着，但一樣被疑似專登「搏懵」，指自己的膊頭和大髀都被陌生人掂到，而觀察到該名男子欲向另外一女子「埋手」，故認為他是有心。黃淑蔓就影到該名男子，因為當時他正彎身，故此未能拍到他樣貌，只見他身穿黑衫黑褲，並拉着一個大紅白藍膠袋。
網民爆疑遭同一人非禮
有網民就指自己亦曾被此人侵犯：「我都試過 !!! 係Elements，當時我經已見佢向住我行過黎，我避開，點知佢轉彎撞到正我，當時我好愕然，轉身見佢即刻再打個大S撞另一個女仔。通常你撞人/ 人撞你都會有反應，但佢繼續行，所以我知道佢係專登，我對住個女仔指住佢大叫『佢係專登㗎』，個女仔有點odd，可能佢不為意，於是我好嬲追上去，點知個大叔快步入佐戲院。我當時都好無助、好嬲。不過你唔好怪責自己著咩衫，我都係闊身衫，佢見到女仔分神就會撞上去。相信你同我遇到都係同一個人，專揀係商場落手」。
黃淑蔓否認曾當小三
黃淑蔓早前陷入「W姓大胸女歌手做小三」風波，有跨性別人士於網上爆被W姓女歌手勾引，這位歌手甘願做小三，而且床上功力深厚。爆料者指W姓歌手「胸大」、「十幾歲時出道唱主題曲成名」、「有新聞指曾與一名歌手不和」、「不屬TVB旗下」、「早前為一套劇集唱片尾曲」、「曾拍攝女性用品廣告」、「鬼妹仔性格」、「姣」和「仍活躍於幕前」，主持及監製即場點出幾位女歌手，包括林欣彤、JW王灝兒、衛蘭，但都遭到受訪者否認，黃淑蔓就成為大熱嫌疑人。之後黃淑蔓在社交網疑回應事件，她貼出一張攤開手的照片，寫下「唔係我，大家唔使估」。
相關閱讀：W姓大胸女歌手做小三掀娛圈恐慌？ 網民「頭號嫌疑人」終回應再惹熱議
