「00後整頓職場」成新常態？近日，有香港老闆在社交平台分享工作日常，指最近有00後員工提出報銷「廢水」（即手搖飲品）當成工作獎勵，更表示答應後看見員工「好開心咁跳住走」，遂以1原因決定將此福利「恆常化」，容許員工日常報銷飲料。帖文引起網民熱議，有網民大讚老闆做法，直言「互相信任好難得！」即看下文了解詳情。
00後員工報銷「廢水」當工作獎勵 老闆1原因力撐「贊助計劃」
近日，有香港老闆在Threads以「算唔算係00後整頓職場？」為題發文，指早前一名00後助手在報銷工作開支時，突然向他提問：「可唔可以claim埋呢張呀？我覺得最近自己值得一個獎勵。」老闆定睛一看，發現竟是一張購買$35「桂花烏龍茶，半糖少冰加珍珠」的收據，遂爽快答應。
老闆形容助手得知獲批後「好開心咁跳住走」，見狀隨即決定員工日後購買咖啡、「廢水」等飲料亦可報銷，「自始就有咗佢命名為 『返工精神損害廢水贊助計劃』」。老闆直言，如果一杯飲品可以令員工更努力工作都是值得的，最後更戲言「算唔算係00後整頓職場之廢水革命？」
網民大讚：互相信任好難得！
帖文引起網民熱議，不少網民大讚老闆做法「雙贏」，「幾十蚊有限錢，你負擔到，而又可以令下屬開心工作，我覺得ok」、「用35可以增加同事歸屬感幸福感，令返工更有動力，增加感情。十分划算，佢嘅動力可以令到額外有多生意嘅話，呢35絕對抵。」
有網民提醒老闆小心員工濫用制度，「佢日日買，就等於一個月多成千蚊支出，如果遇個唔識做同事，日日買十杯八杯，就會玩爛個福利」、「當成為咗日常，開支大到到你想cut，或者有人玩爛嘅時候，你cut就比人X架啦，所以要做特例，唔可以成為日常。」有網民則分享自己在公司享有的獨特福利，「我試過同老細請失戀假，依家叫wellness day ，每年有一日」、「我哋公司每日有飯津同埋包廢水，同埋公司訂嘢飲會問埋同事飲咩會一次過訂晒。」
圖片及資料來源：Threads@marmarlam
文：Y
