郭柏妍與陳星妤今日（26日）出席劇集《金式森林》宣傳活動，陳星妤被江嘉敏打歪鼻一幕稍後將播出，她稱能接受這麼樣衰出鏡，因之後有更樣衰的鏡頭：「歪完鼻之後我要去整返嗰下都幾樣衰，因為好少可有呢啲鏡頭，所以有咁嘅經歷，都係值得紀念嘅事，好似儲Profile咁！」又指觀眾看完也很心痛她的鼻，因大家真的以為她的鼻被打歪。
拍淋紅油戲忘帶打底衫
郭柏妍表示不介意樣貌被醜化，不過當問到想試被打歪鼻還是被淋紅油，她即指是淋紅油，因被打時可能有無情力會受傷，所以最好打臉珠，打到骨的話自己也不懂如何維修：「打歪鼻我驚整唔返好似我本身個鼻咁，打歪咗咁我咪要整返個鼻，如果我整唔返就會畀人話我整咗個鼻。」至於早前拍被淋紅油的戲，郭柏妍表示當日被淋到濕身變乾再變濕，笑指身穿的白色西裝被淋到有漸變效果：「上網有人問我喺邊度買，我唔知點答佢好。」她指被淋當日雖是夏天，因忘了帶打底衫，拍到最後變得好凍。
