連鎖快餐店大快活不時會推出突發或期間限定優惠吸客，涵蓋早、午、下午茶及晚餐。近日有網民發現大快活推出3大限定優惠，包括$10雞髀餐及惠顧滿額減$10等。不過這突發優惠折扣只限一類人可享用，即睇內文優惠詳情！
大快活突發3大限定優惠！特選會員$10雞髀餐+減高達$10
近日，有網民在網上分享，指於連鎖快餐店大快活的手機App中發現了3大特別優惠，包括於茶市時段可以$10優惠價購買雞髀配熱飲餐、$1購買熱飲，以及於早、午、茶或晚市惠顧滿$20即減$10的3大優惠。不過這3大優惠卷並非「人人有份」，而是僅得「被選中的」特選會員才可享用，加上優惠是隨機分發，人人不同。
2大連鎖快餐優惠 譚仔/譚仔三哥＋一粥麵
譚仔/譚仔三哥下午茶人氣小食$10起
譚仔及譚仔三哥近期推出全新港式下午茶，鮮茄牛肉米線或沙嗲牛肉麵常餐只需$33，兩款均搭配玉桂焦糖多士、煎蛋及熱飲。另外店家更推出全新系列小食，包括惠顧譚仔可以超值價$16加配湖南土匪、新疆香草及四川麻辣雞翼3款雞翼，每款各3隻；或選擇加配迷你鮮茄湯牛肉通粉、玉桂焦糖多士及招牌譚仔炸醬飯，每款僅需$10。而三哥則推出全新統一價$10的小食系列，可選蜜糖燒雞翼、土匪雞翼、香草雞翼、咖喱魚蛋魚片頭、煎蛋烤胡椒酥餅配酸菜、烘肉桂焦糖多士及迷你炸醬飯。
一粥麵煲仔飯二人餐$88
連鎖快餐店一粥麵趁天氣轉涼特別推出$88煲仔飯二人餐，食客可選臘腸滑雞煲仔飯或鳳爪排骨煲仔飯，另配一款小菜及熱飲兩杯，套餐價只需$88起。小菜更有多款選擇，包括滑蛋粟米魚塊、章魚雞粒蒸肉餅、菠蘿咕嚕肉及涼瓜菜脯肉碎煎蛋角，再配以白飯，非常抵食。
資料來源︰大快活、譚仔、譚仔三哥、一粥麵
