在香港的街市中，傳統攤檔多以樸實簡約為主。然而，近日一名網民在社交平台上分享了驚人見聞，指某街市的花店老闆竟使用高檔辦公椅「看檔」，引起了網民們對於她「低調炫富」行為的熱烈討論。
街市花店老闆「低調炫富」！1貴價辦公椅嚇窒網民
推測花店老闆辦公椅至少5位數
近日，有網民在社交平台Threads分享一則見聞，指在某街市內一間花店的老闆竟然坐在價值不菲的辦公椅上「看檔」，與一般街市攤檔的簡樸環境形成強烈對比！該名網民更指出，這款辦公椅通常只出現在高級寫字樓，直言「未見過唔係office嘅地方出現呢啲櫈」。
據網民推斷，花店老闆的辦公椅為美國經典家具品牌「Herman Miller」的「Aeron Chair」系列，售價由港幣$14,215起。「Herman Miller」於1994年研發出全球第一張採用複合纖維材質的人體工學網椅，有助改善人們工作時的坐姿，以減低患上脊骨引致的健康問題，「Aeron Chair」更被紐約現代藝術博物館（MoMA）列為永久典藏的經典椅款。
網民：對自己好啲係好事
事件在社交平台上迅速傳播，不少網民支持老闆的選擇，認為辛勞工作過後就應該善待自己，「對自己好啲係好事」、「賣咗咁耐花，都想對自己好啲」、「坐成日，坐好啲都應該嘅」、「腰骨無價」；另有網民表示「我喺屋企冇嘢做都坐，人哋買花工作梗係更加可以坐，每個人都應該對自己好㗎嘛」，肯定老闆追求舒適的做法。
此外，有網民指出這類高檔辦公椅流入二手市場並非罕見，「好多寫字樓唔續約，夜冷鋪又收唔晒，有啲櫈下場就咁」、「夜冷舖$2000幾」、「其實二手唔貴」、「大公司執笠，就多呢啲櫈去咗夜冷舖，大眾就多機會執到平貨」，推測花店老闆可能以較實惠的價錢購入。
資料來源：ivanlhl_＠Threads
