網上周二（9月30日）流傳一段可怖虐待嬰兒片段。片段確實時間地點未明，可見一名懷疑外籍女童，在某大廈外走廊長凳上抱着嬰兒時，突然將嬰兒放在長凳並推落地下，嬰兒面部著地硬撼，頓時哭聲震天。更甚者，女童在試圖安撫嬰兒不果後，竟重複施暴，引發在場目擊者譁然。
相關片段在Facebook及Telegram群組流傳，發帖者報稱當時曾通知大廈保安，但對方卻嫌錄口供或上庭麻煩不願處理。另外，發帖者表示嬰兒母親已知悉事件，並透露該女童與嬰兒一家為鄰居，此前經常玩耍建立信任，但「她媽媽說BB冇事，亦不想追究」。
片段流傳後引起網民公憤，其中有人心痛嬰兒遭遇，表示「真係有病！個BB媽咪有乜理由放低畀人，仲要係比個小朋友？呢個唔係意外係蓄意」、「呢條片真係唔敢睇第二次，依家心跳仲好快」、「睇完一次真係唔夠膽再睇，作為媽媽睇到BB被暴力虐待好心痛」。
另外亦有人質疑拍攝者不作為，斥「你即場見到仲錄乜？直接落去啦！人命係咪永遠要到睇住失去先知後悔冇去拯救」、「痴線，仲影乜？衝落去制止啦」、「既然拍到片，點解唔大聲喝佢？睇到都心碎」、「應該邊拍邊大叫喝止佢，等其他人都知道先再報警」。
