在市道低迷及租金高昂等多重壓力下，香港飲食業正面臨結業潮，當中有些老牌食肆更曾經是無數人心中的美好回憶，令人惋惜。近日有網民在社交平台分享，表示於灣仔開業逾30年的老字號「打工仔飯堂」良友快餐將於10月尾結業，引來大批網民留言，表示不捨這間以超平價外賣馳名該區的茶記亦要執笠，即睇內文詳情。
灣仔老牌茶記「良友快餐」10月尾結業！網民譽「超平價打工仔飯堂」
日前，有網民於facebook專頁「灣仔為食友」中發文，表示位於灣仔謝菲道的老牌茶餐廳「良友快餐」即將結業，引來附近街坊及打工仔都留言表示非常「震驚」。事主表示，自己是從一班的士司機口中得知良友將於10月尾會執笠的消息，並指「的士大佬就慘啦，佢哋係長期晚飯客，話冇地方可以食飯」。
經典港式連鎖快餐店 推$16「糧尾救星」特平三文治餐
良友快餐是香港80、90年代的經典連鎖式快餐店，曾於香港有多間分店，最出名的尖沙咀厚福街分店於兩年前已結業，而灣仔店結業後，全港將僅剩中環店，以及尖沙咀與旺角的「新良友快餐店」。店舖裝潢極富懷舊港式風味，收銀櫃枱即是水吧及出餐處，而櫃枱後就是廚房，上方掛著精選套餐餐牌，店內亦僅得幾張高櫈及不鏽鋼枱供堂食之用，周圍亦放滿了盛裝如外賣飯盒及餐具的紙箱。
而良友亦非常灣仔區的打工一族歡迎，皆因於物價高企的年代，店家的餐牌依然是「時光倒流價」，於早上7時30分到11時30分會供應「特平三文治餐」，各式雙拼三文治早餐加飲品只需$16，被譽為「糧尾救星」。至於午市炒粉麵飯亦低至$33起，更是即叫即炒夠鑊氣，或可選$25「特平早餐」，有湯麵、豉油皇炒麵、沙嗲牛肉麵、雞扒火腿牛油方包等共7款選擇，同樣會送汽水、咖啡或奶茶，是灣仔打工仔的飯堂之一。
網民慨嘆︰時代唔同，食嘢要講門面
帖文一出，引來大批街坊及網民留言，紛紛表示不捨，「性價比出眾！咁都做唔住…」、「舊陣時經過一定食佢，平靚正」、「良友個滑蛋叉燒炒河好好食㗎！」、「三文治早餐真係抵」，以及「雖然唔係好好食，但係呢個價錢，有即炒真係冇得輸」等，更惋惜是一個時代的終結，將會再少一個兒時回憶。
但亦有網民分析良友會結業的其中一個原因是店家衛生質素欠佳，「依家啲食嘢都要講門面，時代唔同，客見到門口咁既款都唔敢幫襯」、「30幾年無做過裝修，表面舊舊地」；亦有指可能是附近環境因素所影響，「政府部門大樓搬走，走咗班客，附近又開多咗兩餸飯，競爭大」，加上做即叫即做外賣，薄利成本又高，故難以堅持。
老闆超哥親證結業消息︰成條街都好冷清
《星島頭條》記者就此帖文向良友快餐查詢，獲老闆超哥親證消息，表示經營逾30多年的餐廳將會於10月尾結業。他續指結業原因為附近人流及商舖均比之前少，尤其是灣仔政府大樓搬遷，「成條街都變得很冷清，甚至整個灣仔區」。他亦表示有多年幫襯的街坊及熟客知道結業消息後均表示不捨，但無奈最終亦要作出退場的決定。
良友快餐
- 地址︰灣仔謝斐道157號地舖
- 電話︰2596 0108
- 營業時間︰7:30am-10pm
資料來源︰灣仔為食友
