不少港人都愛到日本旅遊，除了在大城市吃喝玩樂，亦有人會選擇入住遠離繁囂的溫泉旅館，享受寧靜的時光。不過最近有一位港男在網上平台炮轟日本北海道網走一間溫泉酒店的管理問題，事源他在酒店自助晚餐開始約1小時後入座，發現大蝦只餘最後1隻，餐廳職員亦指出因為是限量供應，派完即止，故不會再補充。事主認為，酒店方面應該限制客人取食物的數量，後來再因1理由感「深深不忿」，決定向餐廳經理直接反映。雖然事後成功爭取，不過事件引起網民熱議，不少人批評事主的要求及做法，更怒斥：「全世界等你埋位呀？」
港男大戰日本溫泉酒店自助餐！批評大蝦供應不足 炮轟餐廳管理不當：應該限量俾每個客人
港人愛到日本旅行入住溫泉酒店，希望可以藉此放鬆一下心情。不過，近日有港男入住日本北海道網走一間溫泉酒店時就似乎遇到不愉快經歷，指出是次行程預訂的溫泉酒店提供自助晚餐，供應時段為晚上6時至9時，而職員會於晚上8時30分開始收走食物。男事主表示，當日一行人駕車到酒店登記入住時已是晚上6時45分，並於晚上7時15分到達餐廳。
餐廳自助餐其中一款菜式為大蝦，不過當他們發現時已餘下1隻，盤子前方亦擺放一張牌表示「清空後不會再補充」。男事主當下向職員反映，由於他們剛入座，而家人亦很想吃到大蝦，「冇晒了會唔會有機會有呢？」，惟職員表示不會再補充。男事主觀看四周後，發現其他客人「都一大堆蝦喺枱面」，認為清空即止的食物「應該限量俾每個客人，咁中途夜啲嚟客人就唔會冇得食」。他向職員重申只要求他與家人，「每人食到一隻已經OK」，但對方僅向他們表示抱歉及透露廚房已沒有存貨。
1原因感「深深不忿」 事後成功爭取引網民熱議
男事主表示曾掙扎應投訴或就此作罷，「但當我見其他枱嘅客人，都有好多隻大蝦喺枱面嘅時候，我就深深不忿」，故此決定向經理再度反映。最後，餐廳向事主一行人提供大約6至7隻的大蝦，而男事主亦不禁對此提出質疑，「剛才不是話廚房沒有貨嗎？」。男事主有感自己為員工帶來麻煩，同時強調酒店餐廳管理的確有問題。
對於男事主的投訴，偶有網民支持他的「爭取」，認為餐廳安排失當，「19:00左右就停止供應有啲問題喎，我覺得你冇做錯」。不過，更多網民指責他的無理取鬧，提出他根本搞錯「自助餐」的意思，「Buffet本來只係指『自助取餐』，唔代表所有嘢都係『無限refill（補充）」，加上其他客人取多少食物與他無關，「你係唔甘心自己遲到，令你覺得自己蝕底咗，你唔遲到，準時入閘咪一樣有得食」。
網民批評：全世界等你埋位呀？
有網友以男事主口中的「管理」作反駁，自助餐本是先來先得，「你係見人有你冇，你先呱呱嘈」，認為廚房無必要用額外成本「滿足一個遲嚟拎唔到限量item嘅人」，更直指男事主既然遲到就要負起遲到責任，「店家冇必要為每個不同時間到達嘅客人去特別扣起食材，對準時到達嘅客人唔公平」。有網民認為即使同樣事件發生在香港都是一樣，「如果啲嘢食只出一輪你錯過咗就無」、「香港buffet遲入都係頭輪嘅少選擇」、「遲咗去，有啲嘢會售罄，都好平常」。
有人直言酒店「確有問題」，「俾著我係個經理，一定唔會補返俾你」、「自己遲到係你問題啦，全世界等你埋位呀」，事主就此作出回應，指遲入座是他個人選擇，但他認為餐廳沒有後備方案處理食材清空問題，反斥網民「似乎你都唔係好了解乜嘢叫Service」。
文:RY
資料及圖片來源:Threads
延伸閱讀：內地客批「在港歐美人沒素質」？遊港因一事當街被罵「stupid」 網民安慰：是你太自卑了寶寶
