曾展望（GM）與葉蒨文（Sophie）因TVB戀愛真人騷《女神配對計劃》人氣急升，更成功配對，滿足觀眾。昨日（29日）曾展望與葉蒨文以情侶檔出席活動，曾展望被問到會否打算結婚，承認有此計畫。
曾展望拖葉蒨文似觸電
葉蒨文與曾展望已非首次拍住上搵食，但今次是二人自公開後，首度一齊出席活動，葉蒨文表示非常享受曾展望在身邊。曾展望提到拖手出街，表示會怕醜：「唔知點解會怕醜，有陣時佢都會主動拖我，好似有啲觸電嘅感覺，驚俾大家見到，又會有啲尷尬，我感情比較內斂。」
相關閱讀：女神配對計劃｜林盛斌當頭棒喝一女神沉迷以往關係：散晒啦係咪呀 葉蒨文GM交往有大問題？
在節目大結局時，曾展望主動嘴對嘴錫葉蒨文，曾展望笑稱自己當時有點衝動。而葉蒨文憶述拍攝大結局時，一度病倒：「嗰陣時我去咗睇急症，佢車咗我去醫院。」曾展望不怕被傳染病菌，笑言因為自己有抵抗力。冧得葉蒨文甜蜜回應：「我對住佢冇抵抗力！」
葉蒨文情侶檔吸金
至於次後的工作大計，曾展望與葉蒨文將會再度合作，一齊拍攝電競節目。談到已公開戀情，二人會否打算結婚，曾展望作出承諾：「會！我哋不嬲認真拍拖為前提。」但葉蒨文未有鬆口，笑說二人會認真賺錢。
相關閱讀：葉蒨文曾展望無預警合體睇周興哲演唱會 Sophie被近距離捕獲手上一物曝光二人真實關係
