今集《星級大搜查》找來多位藝人分享工作中遇到的驚險瞬間，不少經歷更令他們畢生難忘，從意外受傷到與死神擦肩而過，揭示娛樂圈風光背後不為人知一面。
錢嘉樂與陳百祥搏命演出
動作演員錢嘉樂回憶起在菲律賓拍攝時的恐怖經歷，他不幸被六個汽油彈炸傷，導致面部和手部嚴重燒傷，需要進行植皮手術。他說：「可能個爆破師就係菲律賓人啦，可能言語溝通（問題）…… take咗3次，洪金寶大哥都嫌佢（爆）太慢。咁take 3嗰陣，我都未準備好、都未出去已經爆咗喇……」錢嘉樂受傷後在菲律賓留醫一個月。同樣驚險的還有陳百祥，他在一次台慶演出中發生意外，留院長達40天，「（手臂）啲皮甩晒……初時話要我攞個屁股割啲皮上去，我話我唔肯補皮呀……因為我費事畀人摸我屁股。」
相關閱讀：星級大搜查丨明星齊「走膠」！宣萱因「熱氣球」震撼教育棄膠袋 林景程首選尼龍環保袋
張家輝蒙受金錢損失
影帝張家輝則分享了拍戲的辛酸，他曾試過在外地拍完戲後，被劇組人員叫他提早返回香港，「佢（導演）搵咗差唔多嘅衫，拍背，搵其他人去拍……（我）又冇錢收，幾驚險呀！以後咪搵過個經理人囉！」謝天華也趁機搞Gag，自嘲在TVB劇集《神鎗狙擊》的經典場面：「我試過拍過一場戲係單手爬山傾電話，驚唔驚險？個個睇到都『哇』……」他強調拍攝時非常安全，只是看起來很危險。
而何雁詩則分享早前因遇上颱風襲港，險因要改機票前往工作，而蒙受金錢上的損失，「要改機票啦！但好彩有位，我諗最大嘅損失就係畀錢改囉，同埋最驚飛唔到過去，夜晚做唔到嘢。」
相關閱讀：星級大搜查丨明星患「另類強逼症」？ Anson Lo狂用濕紙巾 ViuTV女神唔着襪瞓唔著
胡杏兒險無衫登台
胡杏兒分享了一次哭笑不得的經歷，她曾在機場被人錯拿行李，幸好最後物歸原主。她表示：「因為我個行李箱新嘅，就同另外一個人嘅行李箱好似，我又冇做標記啦……自己衰，畀人哋攞咗我個行李箱！」本來因為沒有登台衣服，要借用他人的登台衫而非常焦慮，幸好對方亦發現拿錯行李箱，更成功聯絡到胡杏兒，最終失而復得，她自此學識要在行李箱上作標示，以防再拿錯。
相關閱讀：星級大搜查丨估你唔到明星慳錢大法！ 陸浩明一味靠「癡」 郭晉安奇招善用浸浴水
李佳芯、張敬軒險生意外
李佳芯在拍攝夜戲時，一部的士沒有按指示停下，直衝向她，幸得劇中拍檔及時將她拉開，才避過一劫。張敬軒則在深夜從內地返回香港時，於深圳的隧道內遇上一輛「田螺車」迎面駛來，幸好司機及時閃避，才不致造成嚴重車禍。
你有否遇過非常驚險的事？不妨留言跟《星級大搜查》分享。
相關閱讀：星級大搜查丨明星爆趣洗頭秘招大公開 方力申忌𢯎頭Edan講究地心吸力 娟姐：唔洗太乾淨
