外出用膳最怕遇到食物衛生問題！近日，有網民在社交平台發文，投訴旺角一間潮汕火鍋專門店衛生情況惡劣，形容當日目擊「成枱曱甴」導致「食唔落」，無奈只能急忙結賬離開。帖文引起網民熱議，不少曾光顧的食客表示該餐廳已非首次發生類似事件，有人更力數4宗罪狠批店家，直言「去過一次就唔再去！」即看下文了解詳情。
旺角潮汕火鍋店驚爆衛生問題！食客目擊「成枱曱甴」秒埋單離場
近日，有網民在Threads發文指日前光顧一間位於旺角的潮汕火鍋專門店，惟到場後發現餐廳衛生環境惡劣，從事主分享的圖片可見，枱上有多隻曱甴「大搖大擺」地在火鍋專用電磁爐上爬行，形容當時「成枱曱甴」導致「食唔落」，只能急忙結賬離開。事主隨即向店員反映情況，對方解釋稱因事發前一日有顧客在店內舉辦派對才導致「曱甴橫行」，對事主道歉並表示「之後會改善」，惟後續未有作出任何補償，甚至「加一服務費照收」。
網民稱非首次力數4宗罪：上次連啲醬料都有！
帖文引起網民熱議，不少曾光顧的網民稱該餐廳已非首次出現衛生問題，「我上次去佢都係好多曱甴仔，佢地解釋話係啱啱做完滅蟲，所以啲害蟲出哂嚟，連啲醬料都有曱甴……一樣都係講完sorry話唔好意思，加一都係照收」、「一睇就知邊間，成間嘢都衛生麻麻哋，自助區啲嘢都睇落好污糟，非常唔開胃，頭盤啲牛硬食，平同唔好食嘅肉勁大揪俾你，去過一次就唔再去。」
與此同時，有網民力數4宗罪狠批店家，指上星期光顧時已經看見「有曱甴仔喺窗邊啲飲品紙箱爬來爬去」，進食到一半更被員工催促，「話夠鐘食快啲，仲問咗兩次洗唔洗俾錢加鐘。」而且火鍋店的食物質素也有待改善，「個M7和牛第一次見人切到一條條，砌返埋先得嗰一片。左上角個咩一級肥牛就係啲勁cheap嘅街市肥牛，7成肥膏，cheap嘢就俾十幾二十塊你，根本無人想食。」最後批評火鍋店收費太高，「埋單又加一又醬料費$310幾，旺角同價位火鍋放題大把選擇。 」
圖片及資料來源：[email protected]
文：Y
延伸閱讀：深水埗外賣漢堡驚現疑似生筋膜？食客禮貌反映遭店方1回應焫著：一點歉意都無
