香港飲食業結業潮持續，連鎖餐廳與老字號紛紛關門，成為近年常見現象。位於大埔的傳統麵包店「麵飽城」於昨日（10月19日）正式結業，結束多年經營。這間陪伴無數街坊成長的店舖結業，引來網民熱議，既有不捨之情，亦有對近年品質下降的批評。
大埔老字號麵包店「麵飽城」結業！街坊不捨馳名蛋撻/老婆餅
事緣，一名網民在Facebook群組「大埔 TAI PO」發帖，分享大埔汀角路的老字號麵包店「麵飽城」結業的消息。帖主指，這間作為大埔區內具代表性、以傳統港式麵包、蛋撻及老婆餅聞名的麵包店，於昨日（10月19日）迎來最後一天營業，並呼籲各位居民把握最後機會，買多啲蛋撻同老婆餅回家，支持支持」。
大埔街坊感嘆童年回憶不再
不少街坊留言指「麵飽城」是「由細幫襯到大」的店舖，對它有著深厚感情，並形容結業消息令人不捨，「咁可惜，平時放假買早餐，生日訂蛋糕都係幫襯呢度」、「我媽日日都要食佢啲蛋糕仔，以後唔知邊度有得買」，更有網民讚揚其客製化服務，「以前我兩個女同老公嘅生日蛋糕，師傅可以按我畀嘅圖整，唔係間間都做到，真係買少見少」。
「麵飽城」的結業標誌著又一老字號走進歷史，反映傳統麵包店在現代經營環境下面臨的挑戰。然而，亦有網民指出近年「麵飽城」品質有所下降，推測或許是導致結業的其中一個因素，「其實唔太好食，幾年前還可以的，呢幾年真係唔掂，冇食好耐」，另一位網民更直言「蛋撻成日都係凍嘅，唔好食，出品麻麻」。
麵飽城
- 地址：大埔汀角路17號F座地舖
- 營業時間：6am-7pm
- 最後營業日期：2025年10月19日（日）
資料來源：大埔 TAI PO
