夏韶聲（Danny Summer）8月舉行《Last Summer演唱會》，隨後投入畫漫畫《西遊》第3集的工作，不過出名「寵粉」的Danny聽到很多粉絲訴求希望獲得他為漫畫簽名，於是昨日（11月1日）在尖沙咀誠品書店舉行《夏韶聲的漫畫世界及簽名會》，滿足粉絲所求。Danny在表示：「之前除咗喺書展可以有時間簽名外，實在有太多粉絲喺社交平台留言，佢哋都買咗我嘅漫畫，好希望可以攞到我嘅簽名……過去喺我嘅演唱會已經有好多我嘅周邊產品賣咗，今日連唱片都可以攞埋嚟一齊簽。」
計劃明年舉行巡演
Danny完成演唱會後已再度投入漫畫世界，「大家都知道我係唱歌同演戲，但係我畫漫畫其實都已經20幾年，咁多年出過好幾本漫畫，最近就係《天眼》漫畫特別紀念版，另外一個系列就係現代版嘅《西遊》，已經出咗兩集，依家就畫緊第3集，因為開演唱會已經有大半年停咗，依家又開始執筆畫返！」另外，Danny又提到《Last Summer演唱會》正計劃舉行巡演，「主辦商係傾緊，但係最快都要明年先舉行到。」
因電視劇《西遊記（貳）》引起構思
至於這日簽名會有大量粉絲到場，除了買書支持外，又坐定定聽Danny的分享會，Danny透露當日因拍攝電視劇集《西遊記（貳）》開始構思《西遊》這個漫畫故事，「本來呢個係電影劇本嚟，我仲寄過畀吳宇森同周潤發，可惜都冇下文，所以我索性自己親自畫成漫畫推出。」一眾粉絲開心有機會一睹偶像風采，更不惜排長龍等偶像簽名，除了漫畫外，還帶了大量珍藏給Danny簽名。
