啟德德朗邨有大媽使用入樽機回收膠樽，賺取每個$0.1的回贈，但在清空膠樽回收時卻懶理衛生，直接把汽水／果汁等殘餘倒在入樽機旁的地上，令現場不時傳出臭味，並有機會惹來老鼠蟑螂，衛生環境惡劣。有街坊認出這位大媽為「慣犯」，進一步爆料指她「帶幾張八達通長時間回收」。詳情見下圖及下文：
啟德大媽入樽機賺錢 懶理衛生德朗邨空地傳出惡臭逐張睇↓↓↓↓
直接倒汽水／果汁殘餘落地
樓主本月20日在facebook群組「啟德居民自由講～」上載相片發帖，指「點解啲人咁冇公德，回收膠樽$0.1／個，你用甚麽方法收集係冇所謂，問題係你見樽內有剩的汽水／果汁時，不要就咁直接倒在地下，附近一陣臭味，又會引來老鼠曱甴」。
相中的大媽正在德朗邨德瑜樓地下空地操作入樽機，地上則有大灘水漬，和散落多袋膠樽「戰利品」。入樽機左右兩旁，則放有一個垃圾桶，和一部廚餘機。
街坊認出「慣犯」
有網民批評大媽缺公德的做法「好衰格」；另有街坊認出她為「慣犯」，表示：
•佢成日執到飲品樽，裏面飲品就咁倒垃圾桶邊；
•我都見過個女人啦，真係好邋遢倒喺（入樽機）側邊，下次見到佢都要話下佢；
•呢個積犯嚟，每日執完膠樽，就帶幾張八達通長時間回收，整到地下成地汽水，完全冇公德心！我住正呢座，平時出入時，又污糟又臭。
相關閱讀：天水圍壯漢疑偷舊衫 「爬樹式」捐入回收箱任攞 網民呻：自助洗衣都被偷衫
樓主：上前話佢當我透明
於是有網民出面獻計，建議樓主「你可以有兩種做法，1. 溫柔啲解釋俾佢聽佢呢個行為唔要得；2. 行埋去大聲啲XX佢」，豈料樓主回應時稱，「1及2之前已做過，不過唔知佢係咪唔識廣東話，佢係連睬我都費事」。
在回應「咁有無上前話佢？」的留言時，樓主也表示「之前一次有禮貌，佢（無）反應；今次改為直接指責，一樣當我透明」。
還有網民爆料，指「石硤尾嗰部回收機，班阿婆、大媽一Ｘ樣，樽裏面有水一樣係就咁倒地下」；於是有人指出，「如（入樽機）放喺商場，對住個顧客服務台會好啲」。
每回收一個膠樽回贈$0.1
在環保署的「入樽機先導計劃」下，市民經入樽機每回收一個膠樽，可透過電子支付平台即時回贈$0.1，每一張八達通或每一個支付寶（香港）帳戶，每天最多可交回30個膠樽並領取有關回贈；而使用入樽機回收時，須先清空膠樽。
入樽機先導計劃詳情、入樽機擺放地點可瀏覽這網頁；而入樽機的使用方法，可看下圖及以下短片：
資料來源：成嶋亮＠facebook啟德居民自由講～
相關閱讀：入伙亂象？屯門新公屋現「不雅垃圾」居民大字報控訴 網民指恐怖：係人嘅質素問題↓↓↓↓
屯門新公屋業旺邨居民今年中陸續入伙，有網民分享在垃圾房出現大字報，抨擊部分缺德居民隨地拋棄「不雅垃圾」，引發熱議。
業旺邨位於屯門業旺路一帶，其中屬第二期的業善樓、業德樓及業慈樓，於6月起陸續入伙↓↓↓↓
