33歲吳若希（Jinny）2016年高調戀澳門商人何兆鴻（Alex），同年宣布懷孕，翌年誕女後才結婚，2020年再誕細仔，組成四口之家。吳若希婚後多度公審老公，大數老公不是，被標籤「成日鬧老公」。吳若希近日到峇里島出席莊思敏（Jacquelin）婚禮，老公何兆鴻未見同行，吳若希慶祝結婚8周年直接「換人」。
吳若希峇里島晒水著
昨日（10日）是吳若希結婚8周年的日子，吳若希在IG分享在峇里島的影片，見到她穿上兩截泳衣大擺Pose，又曬到臉紅紅，一臉疲態。吳若希的影片中，老公未有現身，反而有一半裸男子陪吳若希打卡，吳若希更站在山崖上捉實對方，該位半裸男是時尚設計師任朗呈（Mountain）。
相關閱讀：吳若希有線眼睇實老公︰都驚畀佢呃 效法麥美恩與網民正面抽擊
吳若希留言：「結婚八周年，同另外一個男人，玩死自己，上山下海乜都齊，攰到七彩，回程有落水恐懼症。但係大自然真係好奇妙，每一次見到都要忍唔住讚嘆。我終於知道，點解何生要喺結婚周年嗰日消失，可能就係知道行程太攰，所以扮晒嘢話簽證唔得」。
麥美恩催吳若希再造人
吳若希透露老公的簽證有問題，無阻網民討論：「第一次聽結婚周年唔係同另一半慶祝」、「原來在結婚周年同另外一個男人過得仲精彩」、「然後和另一個男人一起」、「佩服你，更佩服何生咁都唔呷醋」。而陳煒大讚：「咁索，何生見到流鼻血」，麥美恩更催吳若希造人：「係時候生多個」，不過有網民在麥美恩留言下寫道：「何生忙緊同啲員工搞強積金」，重提吳若希曾寸老公對女員工管接管送。
相關閱讀：莊思敏再婚峇里島婚禮現場曝光 「TVB御用主題曲女歌手」大草坪上獻唱走音 唱一曲被指唔吉利
