粵劇名伶阮兆輝及尹飛燕的46歲兒子阮德鏘（Johnson）與女演員林司敏拍電影《天生愛情狂》撻著，二人結婚7年育有一女「懂事長」阮婧恆。不過阮德鏘好黑仔，今年初一家三口曾遇上車禍，今日凌晨阮德鏘又在IG貼出在街頭的照片，透露跟女兒返家時發生意外。
阮德鏘不慎失平衡
阮德鏘的照片只見街燈及屋苑外觀，未有露面：「前一晚凌晨二點收工，抱著熟睡的懂事長，一時大意錯誤估計路邊與路面的距離，咔嚓一聲右腳抝柴了，身子下意識向前撲。突然想起抱著了懂事長，於是千鈞一髮之際，用盡全身力氣往後一拗希望保持平衡。」
相關閱讀：前TVB星二代晒15年前威水史慘被揶揄？高EQ反擊「阿貓阿狗都可以」：自己知道自己就好了
可是阮德鏘因此而拗親條腰：「點知，啪一點，拗親條腰，於是又向前失控，於是下意識用左腳最後保持平衡，咔嚓，結果，拗埋隻左腳。」阮德鏘大感無奈：「鏡頭一轉，一支微黃街燈，一個龐大嘅身軀，抱住一個瞓死咗嘅懂事長（九斤重），再嚟兩隻腳都拗咗柴仲扭親條腰。」
阮德鏘報平安
最令阮德鏘感徬徨，是撐住受傷的雙腳，抱住女兒「懂事長」歸家：「我望住條路，我係應該放棄坐喺路邊等人救，定係捱埋呢段路番（返）屋企？」阮德鏘想起家中仍有一堆家務，更令他頭痛：「仲有兩機衫未洗，水樽未換水，功課未做齊，午餐未準備，但凌晨要五點半起身，因為仲有功課未做晒，情緒ing。」阮德鏘在IG上載在電台開咪的照片報平安：「放心，小弟今晚將如常演出，感謝」。
阮德鏘曾自認敗家
阮德鏘生於粵劇世家，曾自爆生活富足。阮德鏘曾自爆高峰時期最少有12部私家車：「而家冇，以前有段時間有。好老實，小朋友嗰陣啱啱出社會其實買唔起新車，但好鍾意買啲二手車返嚟搵人去改。」更指「窮都要玩車」，他說：「係四個月牌費都買，即係呢四個月只玩呢架，之後擺低玩第二架」。阮德鏘亦曾分享貼錢打工往事，早年在香港電台工作，會自掏腰包買黑膠唱片，在內地北方城市買到一批價值幾萬元的粵曲唱片回港播放。
相關閱讀：前TVB星二代自認敗家仔貼錢打工：深入民心 曾收藏一打座駕 獲Do姐「救」一命？
