梁思浩、黃紫恩（Jojo）及黃耀英（Darren）主持的靈異直播一小時節目《直播靈接觸3》在日前播出的一集主題是「靈異紋身師」，請來殿堂級紋身師沈龍威（Gabe）。沈龍威最為人津津樂道的是為「萬人迷」碧咸紋上「生死有命 富貴由天」8 字真言。
靚仔藝人求助「幸運紋身師」終如願
沈龍威成名後在娛樂圈中贏得「幸運紋身師」美譽，在節目上他曾稱有當紅男藝人來求助：「呢個好靚仔藝人獲提名《金像獎》最佳男主角。佢嚟搵我話提名咗好多屆都落空，如果今次再輸，就以後都唔接受提名。」
相關閱讀：直播靈接觸｜梁思浩大爆男歌手廟街請錯神 越拜越霉黑過墨斗 邪門神像入屋惹驚人後果
郭富城古天樂甚少劉青雲榜上有名
沈龍威稱原來不少人曾向靚仔藝人提議找他：「佢本身唔係紋身嘅大fans，而且又怕痛，無奈之中佢又相信緣份，跟住咪搵我去紋。」梁思浩稱這個靚仔藝人曾被提名10幾次，怕痛又不想被人知有紋身，最後沈龍威揀了一部位為男星紋身，他笑說︰「我喺佢腳板底紋咗一粒紅色嘅星，結果嗰年佢真係攞咗影帝。不過呢個方法唔係人人的得，要睇同你磁場夾唔夾。」梁思浩指中國人的相學來說「腳踏一星能管天下兵」，但節目上未有透露靚仔藝人的身份，有網民在TVB的官方YouTube留言猜測此人的身份，郭富城、古天樂甚至劉青雲都榜上有名。
沈龍威「幸運紋身師」的來源亦有段故
沈龍威「幸運紋身師」的來源亦有段故：「十幾廿歲時跟一班朋友到泰國拜訪一名高僧，嗰時係抱住參觀心態。當時有幾百人在場，我坐喺最後排，師傅講完佛之後，忽然點名要我出去見佢，仲堅持要收我為徒。」理由是見到他身上有光環，無心拜師的沈龍威為讓師傅知難而退， 開出難題說︰「嗰時心態係唔信、無可能。我話師畀我見到鬼，就信喇。之後做咗一輪法事，就返香港。」回港不到一星期，沈龍威人生第一次接觸到靈界，他見到兩個只有半身，梳住兩個髻的小朋友，那一刻的沈龍威異常震驚，之後二話不說買機票到泰國拜師。沈龍威是小數可以出佛牌的師傅，早年他跟師傅合製的佛牌獲泰王及公主認證。節目中沈龍威建議到東南亞旅行時，不要亂買面具、公仔、雕像等之類物件，因為好多時都會附有靈體在內。他接觸過不少求助過案，最後都一把火燒 來解決。
相關閱讀：直播靈接觸｜翁虹梁思浩驚爆25年前酒店撞鬼 超巨大靈體緊貼身軀 沈殿霞欣宜亦中招
