曾經在TVB劇《家變》飾演汪明荃男友與黃愷欣老公的70年代小生金興賢在千禧年開始淡出娛樂圈。當時金興賢到美國考牌後，及後轉跑成為高爾夫球教練，但近年曾與苗僑偉、秦沛、鄧梓峰等組過球隊打慈善賽，不過金興賢已經已半退休並已移居中山生活。
金興賢與太太適應中山的生活
日前金興賢和太太接受汪曼玲的YouTube節目訪問，他揚言與太太適應中山的生活：「我嚟咗呢度一年半識咗好多藝人，好似吳岱融、韓馬利、林韋辰、王俊棠同吳啟華都上咗嚟住，嗰次仲見到江華嚟睇樓，而家越嚟越方便，我都唔恨返香港。」
相關閱讀：77歲皇牌綠葉金興賢移居中山生活 轉行教Golf現半退休有個機師囝囝 曾自爆當佘詩曼冇到？
金興賢笑稱初太太不想移居中山
金興賢在TVB第一期藝員訓練班畢業後加入娛樂圈，拍過不少經典劇集，包括《家變》、《奮鬥》、《千王之王》、《還看今朝》、《刑事偵緝檔案III》、《O記實錄II》、《大鬧廣昌隆》及《天地豪情》等，他又曾拍過不少電影，包括章國明執導的第一部電影《點指兵兵》與及憑《邊緣人》獲提名最佳男配角，到了90年中淡出娛樂圈開始打高爾夫球，後來遠赴美國佛羅里達州，花了半年時間去考牌教練牌，，要考你用甚麼方法教、自己打到幾多score，還有球例等等。」金興賢笑稱初太太不想移居中山，湊巧她要退休結果造就了這個機會：「 我已經嚮往咗10幾年，尤其係生活、交通方便，好多嘢好新，我就話三個月就要走，拿拿臨上嚟一齊搵樓，本來打算先租屋，但係啲樓盤唔係咁啱，直到搵到呢個屋苑就即刻拍板。」結果他們以200萬買了一個2000呎的雙連單位。
金興賢太太移居中山覺得選擇精明
金興賢和太太移居中山後，很快便適應下來，覺得當初選擇很精明：「因為食嘢同交通都好好，有時你鍾意可以喺屋企煮，又或者可以叫美團，有好多選擇，總之一個月嘅洗費比香港平好多，最少係平一半。但係你唔好有個心態去炒樓， 因為內地嘅樓係畀你住而唔係畀你炒。」金興賢直說：「而家我都唔願返香港，我寧願去廣州、深圳食飯，過關又行好多路，我哋係老人家，寧願揸車。香港唔係好，好繁榮，而家睇到越嚟越多香港人嚟呢度住，最緊要要逼自己唔好怕，唔識就去問，如果你打通咗自己，譬如醫療冇問題、交通又熟悉、朋友可以慢慢累積累，不過每個地方都有自己嘅文化，如果要喺呢度住，都要習慣呢度嘅文化，佢哋大部份都好友善。」金興賢曾稱不再拍劇選擇轉行，是因為捱不住長時間拍攝，現時過着優哉悠哉的生活非常享受。
相關閱讀：周潤發藝訓班同學係元朗地主！由農地變貨倉生活富泰 撞樣潘迪華高貴優雅曾舉行個人演唱會
