80年代童星王嘉明（Cyrus）只有十個月大開始參與《最佳拍檔》系列，戲中飾演麥嘉和張艾嘉的兒子「光頭仔」，當年憑可愛外型受到觀眾喜愛，曾被封為「港產片最可愛的光頭仔」。「光頭仔」王嘉明長大後曾跟「香港樂壇教父」戴思聰學唱歌，到了18歲簽約黃百鳴旗下，可惜星途平淡，最終退出娛樂圈。
已轉行做水果生意的「光頭仔」王嘉明，淡出近20年後決定再戰樂壇，他曾驚喜現身《中年好聲音2》的海選並成功晉身100強，但身形變得肥腫難分，曇花一現後再度消失人前。原來「光頭仔」王嘉明已經移居珠海生活並轉戰賽道，入行成為房產經紀。
相關閱讀：《最佳拍檔》「光頭仔」體重近190磅脹爆露腩 王嘉明淡出幕前從商移居內地生活無憂
「光頭仔」王嘉明在珠海置業同創業
「光頭仔」王嘉明日前在小紅書開設新帳號，原來已搬到大灣區居住了一段時間：「我住過深圳、廣州同中山，我近期住喺珠海，呢個城市生活指數高，物價又低，所以我決定喺珠海置業同創業，成立自己嘅地產工作室。」賣花讚花香的王嘉明還說：「珠海新樓多，所以住喺上嚟個人會活力好好多，買個2000呎嘅豪宅，都唔係太難嘅事。而且食嘅全部都係新鮮嘢，屋企食飯都好平，比深圳仲要低。」王嘉明曾笑言每月只需5000人民幣（約5406港元）已經享有高質生活。
王嘉明身形曾發福不少
王嘉明失落《中年好聲音2》後，曾與同為參賽者的劉威煌、譚輝智、顏米羔、梁思傑、梁浩賢、甘永傑及導演潘文龍組成「輕鬆啲」，在社交平台開直播唱歌演出。王嘉明轉到珠海定居，當地好食好住，令他身形發福不少，身高本身180cm變成巨人一樣，連幾位兄弟都嫌他太「放棄自己」，但他覺得：「唔一定要減肥先可以唱歌呀？唔係個個歌手都瘦到一碌竹啫，又唔係核突到令觀眾要轉台，我冇諗過要做偶像，只係想唱出我嘅故事，希望得到共鳴。」今次王嘉明的身形明顯有所改變，比之前略為清減。
相關閱讀：王嘉明一原因拒住深圳移居珠海 月租1.2萬逾千呎香洲區海景單位 100人仔食足3餐︱星級品味
