馬國明、劉穎鏇今日（17日）現身機場出席《飛常日誌II》開鏡儀式，劉穎鏇笑言在《飛常日誌II》獲升職，今次要學韓文，因為其中一幕要為不同國籍旅客解釋查詢，當中會講廣東話、普通話、韓文、英文，又笑言韓文好難，不過獲劇組安排了識韓文的導師協助。問到可有學韓文？她笑言都有睇韓劇，但日常會睇字幕，現在會聽更多。劇中同樣升職的馬國明，笑言拍攝時也遇上旅客問路去洗手間，幸好識教路。
為蔡思貝未有份演出感可惜
談到上一輯蔡思貝有份演出，今輯被消失。馬國明表示劇中會交待角色去向，但對方今次未有份參與都覺可惜，不清楚原因，可能檔期問題。談到舊愛胡定欣結婚，馬國明表示有恭喜她，對方還揚言覺得不好意思麻煩到他。問收到胡定欣婚訊可會感到驚訝？他說：「唔會！咁好條件，點會無？係未揀啱啫！好似高海寧咁好條件，雖然成日話想人介紹，佢點會無人追，只係未揀到適合，正如啲人話遲婚，如果20歲遇到就結婚啦！我覺得係緣份囉！」
