秋季是食蟹的好時機，不過近日有網民到一間連鎖酒樓品嚐長腳蟹，卻意外發現味道非常鹹，肉質也不結實，直言與以往吃過的味道完全不同。對此，酒樓經理以1原因解釋，有網民亦指味道偏鹹屬正常情況，「早排買咗隻新鮮嘅皇帝蟹整都係咁鹹」，亦有網民質疑該說法，認為有機會是長腳蟹不新鮮導致，「睇落已經唔新鮮」，即睇下文了解詳情。
連鎖酒家長腳蟹「勁鹹」？ 食客疑「以前食過唔係咁樣」店員咁解釋……
近日，有網民在Facebook群組「香港酒樓關注組」發文，指早前到沙田一間連鎖酒樓吃飯，並叫了一道長腳蟹。從事主分享的圖片可見，蟹身已被切開，而蟹肉則挖出另外擺放。不過，樓主指出長腳蟹味道非常鹹，猶如直接食鹽一樣，而肉質也相當不結實，「全部散開一樣」，與以往品嘗過的味道完全不同，「以前吃是非常鮮味」。她隨即向酒樓經理反映，但對方只以「（長腳蟹）啱啱到貨，海水撈上嚟，所以鹽分重」為由，指味道鹹是正常的。
網民批：食一次差過一次
對於連鎖酒樓的長腳蟹味道過鹹，有網民認為屬正常情況，「鹹係正常，有啲師傅會蒸蟹之前會浸一浸冰水，一來會減少鹹度，二可以冰死佢，蒸時唔會掉腳，阿拉斯加蟹、奄仔蟹比較多用呢個方法」、「鹹，正常！喺北海道食都鹹，但應該唔會勁鹹，除非你口味一向淡。」不過，亦有不少網民質疑經理的說法，認為酒家「急凍貨當新鮮賣」，「我做廚房的時候，師傅為咗遮蓋蟹啲臭味，就是會用工業鹽加少少落去隻蟹嗰度」、「呢啲係急凍雪藏貨，喺海撈上嚟已經急凍咗，唔係新鮮嘅，所以係鹹啲嘅。」
有網民則懷疑酒樓「調包」長腳蟹，，而事主亦指該長腳蟹起初在水池撈上來是仍然會動，但後來上桌的長腳蟹「肉也不結實全部散開一樣」，讓她懷疑活蟹被換成不新鮮的貨色，「但是酒樓唔認冇辦法。」也有網民狠批相關酒樓的食物質素越來越差，「食一次差過一次，已無去了」、「酒樓唔執就奇怪啦，食物都唔做質量控制。」
圖片及資料來源：Facebook@香港酒樓關注組
文：Y
延伸閱讀：中環燒鵝酒家被指收離譜「隱形服務費」 小紅書女質疑小費佔比高達50% 內地網民：我還是雙餸飯吧
