繼晚市小菜四選一優惠後，人氣明星海鮮酒家集團最近推出任飲任食特式火鍋放題優惠，食客可任選如羊腩煲、烤魚、雞煲、卜卜蜆等鍋底，更附送鮮牛肉雜錦盤、海鮮船等，任食多款配料、雪糕兼任飲啤酒汽水，即睇內文優惠詳情！
明星海鮮酒家火鍋放題優惠 任揀羊腩煲／雞煲／卜卜蜆
明星海鮮酒家火鍋放題優惠，任揀羊腩煲、雞煲及卜卜蜆。
即日起連鎖酒樓明星海鮮酒家推出「任飲任食特式火鍋放題」優惠，食客可以每位$188起的優惠價，享用2小時的打邊爐放題。放題有5款鍋底選擇，包括四川麻辣烤魚、藥膳水魚雞鍋、四川辣雞煲、澳門卜ト蜆，以及秋冬必備的雙冬羊腩煲，小童每位則$98起。
此外，火鍋放題更有多款配菜選擇，包括任叫任食多款火鍋配料、美國雪花肥牛、小食及雪糕，並可任飲啤酒、汽水，更會附送鮮牛肉雜錦盤及海鮮船，亦可加錢以優惠價$64選購紅或白酒一枝。火鍋放題不設加一，但會收取每位火鍋醬料$15，以及茶芥$15。
明星海鮮酒家火鍋放題優惠
- 供應期︰即日起至另行通知
- 門市據點：>>按此<<
2大連鎖酒家優惠 稻香／海港
1. 稻香集團晚市三寶$168
由即日起至11月30日，稻香集團旗下的客家好棧及客館分店推出「晚市三重奏」特別優惠，讓顧客以$168的價格，品嚐到三款每日精選的特色主菜。這些菜式涵蓋了海鮮、肉類及蔬菜，包括清湯蘿蔔牛腩、客家燜豬肉、沙薑雞以及清蒸虎杉斑魚等，色香味俱全。
2. 海港酒樓晚市超值3選1$28起
海港飲食集團推出「晚市超值3選1」優惠，讓顧客以親民的價格享用3款經典美食，包括$68海港燒鵝皇，外皮酥脆、肉質鮮嫩，2至4人可享例牌、5至7人可選半隻，8人及以上則可享全隻。另一個不容錯過選擇是脆皮燒乳鴿，每隻僅售$28；以及海鮮愛好者最愛的清蒸蝴蝶龍躉斑，每條僅需$68，肉質鮮嫩，可供2至4人共享，如5人以上則可享用兩條，盡情享受美味。
資料來源︰明星海鮮酒家、海港飲食集團、稻香集團
