曾經憑電影《爸爸》在《金像獎2025》奪得「最佳女配角」，入行27年的谷祖琳出身於「電影世家」，導演谷德昭是她的叔叔，而谷德昭的姐姐谷薇麗是著名電影監製和策劃，不過谷祖琳多年來未有依賴家人關係。
谷祖琳童年曾參加歌唱比賽
昨日（29日）谷祖琳在IG貼了一段童年時的片段並說：「朋友突然傳來這段片段，睇真啲原來係兒時嘅我，大概7、8 歲左右吧，片中嘅我同我個細女係一模一樣樣，不過我細女係我嘅可愛版。」
相關閱讀：金像獎2025｜谷祖琳憑《爸爸》奪女配角獎 台下緊抱阿叔谷德昭 胞弟祖母2年內先後墮樓亡一度患抑鬱影響一生
谷祖琳曾參加亞視兒童歌唱比賽
谷祖琳還說：「我仲記得當日我自己一個人睇緊電視，兒童節話接受唱歌比賽報名，嗰個年代有兩套卡通片好Hit，一套係《橙路》，另一套係《Touch》，嗰陣時純粹試吓打電話報名，點知電視台真叫我面試，比賽嗰件戰衣係我自己襯㗎， Ralph Lauren 仲企晒領添，結果我贏了冠軍！ 成件事我都冇話到畀屋企聽，我記得屋企人好似喺電視睇到先知道我參加咗呢個比賽，原來我由細到大都咁無厘頭。」谷德昭其後亦有留言：「聽過這件事接近半個世紀，今天終於看到畫面，當時我在加拿大讀書，有一天收到家姐的來信，說我親愛的姪女谷祖琳，當時大約七、八歲，自己幫自己用電話報名，參加了亞洲電視的兒童歌唱比賽，比賽完了家人才知道，仲要攞咗個冠軍。當年的參賽歌曲是卡通片《橙路》的主題曲，原來當時已經幾靚女，套衫自己仲襯得幾靚添，好似恤埋個髮，唱得又幾好，純天份，冇學過，原來注定食幕前飯。」
谷德昭Miss了谷祖琳的大部份童年
不過谷德昭坦言因這件事令他很感觸：「原來我在加拿大那八年，Miss了谷祖琳的大部份童年，當年兩叔姪冇好好哋做朋友，希望今天有緣份補返數，好彩同佢嘅女兒我嘅姪孫都幾好傾，在她們身上學到好多嘢，I am dear Suk Kung。」 吳浩康留言說：「我未見過音準咁好嘅小朋友，勁！」亦有人說：、「真係唱得好好，應該而家再出道做歌手。」、「70、80年代總係處處都有機會同希望。」、「自己幫自己報名，果然注定吃這行飯。」、「這就是香港演藝圈的寶藏其中一個例子，不停挖，總能挖個驚喜來。」
相關閱讀：59歲周星馳愛將撐拐杖現身老態龍鍾 被誤認作盧海鵬何伯 曾傳患病消瘦聲線變
谷祖琳家庭遭遇巨變
谷祖琳早在1998年出道，最為人所知的是她是導演谷德昭的姪女，她1998年時已經有機會擔任第一部參演電影作品《去年煙花特別多》主演，其後她參演過不少電影包括《細路祥》、《野獸之瞳》、《幽靈人間》系列、《一碌蔗》、《豪情》，谷祖琳飾演的角色一般角色形象鮮明，讓人印象深刻。不過她在2001年至2003年先後簽約華納唱片及百代唱片成為歌手，其後又曾在商台主持電台節目包括《絕情谷》、《夜夜開放》、《讓女俠飛》，亦曾暫代《嘩！嘩！嘩！打到嚟！》主持。谷祖琳的人生也曾經歷巨大低谷。在2006年至2007年的兩年間，她的家庭遭遇巨變，祖母和胞弟相繼於喇沙書院墮樓離世。這兩宗不幸事件對谷祖琳造成沉重打擊，導致她一度飽受抑鬱症困擾，而這段經歷對她的一生影響深遠。
