天后莫文蔚（Karen）即將在12月20日在啟德主場館演出《THE BIG BIG SHOW 大秀一場香港站「家場」限定版》，今日在啟德舉行新聞發佈會，活動由鄭丹瑞主持，Karen以一身紅色透視裙現身大秀好身材，開心表示：「我終於返屋企啦！」
莫文蔚香港站「家場」近聖誕節難請嘉賓
Karen透露在九龍城長大，每日抬頭看到飛機飛過，故回到這裡開騷特別有意義。其巡唱在北京鳥巢開始，Karen成為首位在該場地演出的華人女歌手，經過12站演出，她開心形容「終於飛回家鄉」；同時指「人生只有一場」是為巡唱主題，故此每地只演一場不加場。Karen所組限定樂隊「Karen Mok & The Masters」成員陳明道亦有亮相，其他成員則透過影片預祝她演出成功，現場同時宣布推出限量黑膠唱片。Karen受訪談到香港場，她笑言已「巡場」，為此看了球賽和一些現場表演。問香港站會是尾場嗎？她相信是，「因為最大最好嘅場地都畀我用晒，哈哈！呢次巡唱舞台、配套，要大場地去實現，若果喺紅館搞，舞台搬唔入去啦！」談到香港站特色，Karen形容難得回家，當然要唱少唱的廣東歌，並與香港交響樂團合作，「集結香港有天賦嘅人。」
而服裝則有由香港著名設計師操刀的「水晶戰衣」，Karen︰「要閃爆又騷身材，畀大家睇晒，我身材正！」並補充︰「演出日子臨近聖誕節，其他歌手已有計劃，我會請『意中人』一齊嚟玩，點都會請到一、兩位！期待同大家大玩一場！」Karen指老公有陪她回港準備演出，問到巡唱後的計劃？她笑言想放長假，笑說：「放假可能都放唔長，我會身痕，諗到乜嘢想做便去。我哋樂隊今天出碟，同時開始寫歌。我細個就有Band夢，充滿熱血Feel，『香港站』我要做Rock妹，哈哈！」
